Kirti Kaumudi tatha Sukrut Sankirtan

SR No.: 002505
Original Sutra Author: Someshwar Mahakavi, Arisinh Thakkur Kavi
Publisher: Singhi Jain Shastra Shiksha Pith Mumbai
Publication Year: 1961
Total Pages: 168
Language: Sanskrit
Classification: Book_Devnagari & Literature
File Size: 10 MB

Page 45

अष्टमः सर्गः।
अथ पाथोजिनीनाथे, चुम्बत्याशां बिडौजसः । प्रबुद्धं पङ्कजेनेव, श्रियः पात्रेण मन्त्रिणा ॥ १ कोकद्वन्द्वं तदाऽऽलोक्य, सङ्गतं सम्ममाद सः । परकष्टे विनष्टे हि, सतां प्रीतिः प्रचीयते ॥ उन्मादं वीक्ष्य पद्मानां, कुमुदानां च मन्दताम् । क्षणिकत्वं विभूतीनां, चेतसा निश्चिकाय सः ॥ ३ कदाप्युदयति ध्वान्तं, कदाप्यर्कश्च धिग् विधिम् । तुल्यं नीचेऽप्यनीचेऽपि, स तदेति व्यतर्कयत् ॥ ४ करं चिक्षेप तीक्ष्णांशुर्दुस्तरे तिमिराम्बुधौ । प्रदातुमिव मग्नस्य, भुवनस्यावलम्बनम् ॥ विच्छायास्तिमिरे तुच्छे, रेजुर्दीपाश्चलच्छिखाः । पैङ्कीभूते पयःशेषे, स्फुरन्तः शफरा इव ॥ तीक्ष्णैः सपदि भिन्दानः, कराप्रैस्तिमिरासुरम् । रोषेणेवारुणः पूषा, प्रादुरासीन्नृसिंहवत् ॥
अथोजगाम वामत्वं, कुमुदेषु प्रदर्शयन् । विष्टपव्यवहारैकप्राड्विवाको दिवाकरः ॥ मलिनीभवदाशान्ते, शान्ते ध्वान्तघनोदये । अब्जावतंसितं हंसो, नभःकासारमासदत् ॥ न्यीसीकृताः परं देशं, गच्छता भास्करेण याः । स्फुटं स्फटिकभूर्वह्निः, प्रतिदत्ते स्म तो विभाः ॥ १० विवृतिर्विश्वसूत्रस्य, दृशां निस्तिमिरौषधी । इष्टवार्ता च पद्मानां, दिद्युते द्युमणिद्युतिः ॥ चकोरचक्रवालस्य, पीतशीतज्वरोदयाः । तमश्चक्रमधश्चक्रश्चण्डरोचिर्मरीचयः ॥ प्रसारितकरे सूरसिन्धुरेन्द्रेऽनुधावति । सुमेरुं परिबभ्राम, तमस्तोमः पुरःसरः ।। कुर्वाणः किरणाङ्करैरवतंसश्रियं दिशाम् । नभस्त्रिभागमागच्छदब्जिनीजीवितं विभुः ।। विलोललोचनाः प्रातौलिमाल्यानि तत्यजुः । लोके हि कारणेनैव, गौरवं गुणिनामपि । हृदि प्रियवियुक्तानां, साञ्जना बाष्पबिन्दवः । मग्नानां मारबागानां, पुङ्खा इव विरेजिरे ।। बभ्राजे भुजगाभासं, त्रासयस्तिमिरोत्करम् । सुवर्णरुचिराकारः, सुपर्ण इव भास्करः । ___अथ धर्मैकनिष्णातो, निस्नातः शुचिभिर्जलैः । वस्तुपालस्त्रिकालज्ञं, जगत्पूज्यमपूजयत् ॥ वलक्षेणोत्तरीयेग, स बभौ बुद्धिमत्तरः । तुरीययुगीतेन, सुकृतेनेव संश्रितः ।। मत्सरज्वरसन्तप्तं, मन्ये मुक्वाऽयमानसम् । आदिनाथः स्थितस्तस्य, हृदि सौहार्दशीतले ॥ २० भाले तस्य विभाति स्म, चान्दनी तिलकाकृतिः । कृता सुकृतिनां मध्ये, रेखा मुख्येव वेधसा ॥ अलिङ्गितः शमेनेव, पृथग्भूतः कलेरिव । सवृत्तेनेव निर्वृत्तः, स तदा शुशुभे भृशम् ।। देवेन्द्रं स्तुवतस्तस्य, रेजुर्दशनदीप्तयः । तत्कालोन्मीलितानन्दसुधांशुकिरणश्रियः ॥ दत्वा दानानि पात्रेभ्यो, नत्वा गुरुजनं च सः । सत्त्वाश्रितेन चित्तेन, भवं भावितवानिति ॥ २४
अहो ! संसारकारान्तर्मायानिगडितात्मनाम् । जायते जातु जन्तूनां, न कथञ्चन निर्वृतिः ॥ २५ केचिद् द्युम्नाय धावन्ति, प्रद्युम्नाय च केचन । नोद्युङ्क्ते कोऽपि धर्माय, सर्वाभिप्रेतहेतवे ॥ मोद॑मानोऽन्तरात्मैव, साक्षी यत्कर्म शर्मणे । तमप्युपेक्षते धर्ममहो ! मूढमना जनः ॥
२७ यस्मिन् सन्निहिते वह्नि-विषाद्याः प्रभवन्ति नै । धर्मादप्यपरस्तस्मात् , कः शरण्यः शरीरिणाम् ? ॥ २८ धर्मसिद्धौ ध्रुवा सिद्धिद्युम्न-प्रद्युम्नयोरपि । दुग्धोपलम्भे सुलभा, सम्पत्तिर्दधि-सर्पिषोः ॥ .. २९
१ प्रनष्टे मु० ॥ २ एकीभू प्र० वा० ॥ ३ ताः प्रभाः प्र० ॥४मानान्त बा० ॥ ५ नो प्र० ॥
१॥
२६