________________
षष्ठः सर्गः।
श्रीवस्तुपालेन बलान्निरस्तां, तां दुस्तरामापदमाकलय्य महोत्सवानामकृत प्रवृत्ति, वीतोपसर्गः पुरवासिवर्गः ॥ गृहे गृहे धातुरसानुलेपाः, समन्ततः स्वस्तिकपङ्क्तिमन्तः । विरेजिरे तूर्यरवानुकूलाः, कुलाङ्गनामङ्गलगीतयश्च ।। बभूव देवेषु विशेषपूजा, राजन्यमार्गेषु विशेषशोभा । ' विशेषहर्षः पुरपूरुषेषु, विशेषवेषश्च वधूजनेषु ॥ येषां निमेषार्द्धमपि क्षपायामायान्न निद्रा रिपुविद्रवेण । सुस्थीकृतानां सचिवोत्तमेन, तेषां च हर्षान्तरितेयमासीत् ॥ पुरप्रजानां प्रमदामृतेन, तेनातिमात्रं शिशिरीकृतानाम् । निःशेषिताशेषसरःसमृद्धिीष्मो न भीष्मोऽप्यभवद् भयाय ॥ शिरीषपुष्पप्रचयच्छलेन, शुचिर्दधानो हृदयं मेंदीयः । आषाढवान् बाढमपास्तकामः, कर्मन्दिकल्पस्तमुपाजगाम ।। आमात्यमालोक्य चुलुक्यभर्तुः, कर्तुं स्थितं शस्त्रभृतो निरस्त्रान मन्ये मनोभूरपि मन्दमन्दं, चापक्रियाचापलमाचचार ।। दिङ्मण्डली पाटलिपुष्पगन्धसम्बन्धसोन्मेषमरुन्मिषेण । शान्तोपतापा सचिवेन तेन, सन्तोषतः श्वासमिव व्यमुञ्चत् ।। अस्मान् सुखेनोतरतु भ्रमन्ती, कीर्तिस्तदीयेति कृशास्तटिन्यः । बभूवुरासामसदेतदन्तः, सा हि क्षमा सागरलङ्घनेऽपि ॥ प्रतापिनः पल्लवितप्रतापः, शुचिः शुचित्वाधिगतप्रसिद्धेः । कविप्रियोऽसौ प्रथयाञ्चकार, निन्दां निदाधस्य जडप्रियस्य ॥ पीयूषबिन्दुप्रसवं स्रवन्ती, गुणावलियस्य गलन्तिकेव । स्थितोपरिष्टादपि विष्टपस्य, प्रीतिं प्रतप्तस्य तदा ददाति ॥ . ऋतुर्दिगन्ताक्रमणोद्यतस्य नयनयं बुद्धिमिनस्य तेजः । तेनाभविष्यत् सचिवेन तुल्यः, प्रजोपतापं यदि नाकरिष्यत् ॥ संशोषिताशेषनदे निदाघे, मन्त्रीशदृष्टिः कमलाभिरामा । तृष्णापहारं न चकार कस्य, प्रपेव सन्मार्गमुपागतस्य ? ॥ पुण्ड्रेक्षवः क्षीणरसाः सरस्यः, शुष्का विशुष्काश्च गवां समूहाः । ।
चूतदुमो वा सचिवोत्तमो वा, तदाऽर्थिसाथै सफलीचकार ।। १ स्वस्थी प्र० ॥ २ प्रदीपः मु० ॥ ३ जलनि वा० ॥ ४ जतु मु० ।
Jain Education International
For Private & Personal Use Only
www.jainelibrary.org
