________________
मन: । ]
कीर्तिकौमुदीमहाकाव्यम् । यदि सम्प्रतिपत्तिरस्ति चित्ते, नगरस्यास्य नियोगवासना च । प्रणम द्रुतमेत्य तत् प्रसन्ने, मयि दूरे न तवाधिकारमुद्रा ॥ अपरोऽपि विधास्यतेऽधिकारी, नगरे कश्वन पैतृके मयाऽस्मिन् । भजसे यदि मां ततः स्थिरैव, त्वयि मुद्राऽस्तु गुणाः प्रियाः प्रभूगाम् ॥ अथ चेतसि किंश्चिदन्यथा ते, स्थितमास्ते तदपि प्रियङ्करं नः । यदसाध्यविरोधिसाधनाय, प्रतिभूरेष ममास्ति खड्गदण्डः ॥ अवलेपमलीकमाश्रितो यः, प्रभुमल्पार्थिनमन्यथा करोति । कुपितेन स तेन दण्ड्यमानः, सह जीवेन ददाति वित्तजातम् ॥
सिन्धुराजदूतं प्रति वस्तुपालस्य प्रतिवचः
अथ स व्यथितोऽपि तद्वचोभिन विकारं प्रकटीचकार मन्त्री । मलिनत्वमुपैति वातनुन्नैर्न रजोभिः सुरवाहिनीप्रवाहः ।। जगदे जगदेकबन्धुनैवं, सचिवेनाऽपसरद्वचाः स चारः । भवताऽभिहितं यदात्मभर्तुश्चरितं तन्न चमत्करोति कस्य ? ॥ तरणेरिव सिन्धुराजसूनोर्महसा दुष्प्रसहेन शुष्कदेहम् । दहति स्म सुखेन लक्ष्मदेवद्रुममुच्चैरपि यादवेन्द्रदावः ॥ समरैकरतेरमुष्य सत्वस्तुतिकोलाहलकाहलानिनादैः ।। श्रुतिमार्गमुपैति मर्त्यलोके, सुभटानामभिधाऽपि नापरेषाम् ।। विपरीतमतित्वमस्य मन्ये, यदसावर्थयते पुरं तदेतत् । हयसैन्यसहायतोऽपि सिंहान्नृपसिंहेन विगृह्य यद् गृहीतम् ॥ बहुभिः सह योद्धुमक्षम मे, मनुते स्वामिनमेष तन्मृषैव । ननु निश्चलनिश्चयस्य पुंसस्त्रिदशा यान्ति सहायतां क्रियासु ॥ बकपाटकचेष्टितं न दृष्टं, न च सिद्धेश्वरसन्निधानयुद्धम् । किमनेन मनस्विनो यदस्य, क्षितिमाकाङ्क्षति लीलयैव लब्धुम् ? ॥ तनयः पितॄवित्तमर्हतीति, व्यवहारः पुरुषान्तरेषु युक्तः । परसम्पदपेक्षिणां नृपाणां, स कृपाणे न कृतः पुनः प्रमाणम् ।। तदुपेहि पतिं स्वमेवमस्मद्वचसा ब्रूहि च देव ! वेत्सि सर्वम् । • अवलेपैमिमं विमुञ्च नो चेदयमस्मि त्वमतो विचार्य कुर्याः ॥
८८ १ डोसा वा• मु..॥ २ भूरस्ति ममैष व मु० ॥ ३ मभ्यर्थि मु० ॥ ४ 'नापि सर मु० ॥५. देहः वा० ॥ ६ धायिनां परे मु० ॥ ७ यदैत वा० ॥ ८ सिंहनादान्नु वा० ॥ ९°नु निश्चयनिश्चलस्य वा० मु० ॥ १० °स्विना यदीशक्षिति प्र० ॥ ११ पममुं विं मु० ॥ १२ त्वमितो मु० ॥
Jain Education International
For Private & Personal Use Only
www.jainelibrary.org
