________________
[ द्वितीय
श्रीमदरिसिंहविरचितं . त्वं मनोभवमपास्य पुनस्त-जन्मभीरुरमुचः स्वमनोऽपि । किं हरन्तु हरिणीतरलादय-स्तावकं तदमनस्ककिरीट ! ॥ प्राप्य रत्नमिव पुण्यपयोधे-स्त्वां हृदि प्रणिदधाति जनो यः । स प्रयाति पुरुषोत्तमभावं, पश्य न स्वपिति किन्तु भवाब्धौ । यामवाप्य न नमामि भवन्तं, तां न निर्वृतिमपि स्पृहयामि । त्वत्प्रसादवशतस्त्वयि भक्ति-र्भातु मे जिन ! भवेऽपि भवेऽपि ।। निर्मितस्तुतिरिति प्रतियातः, कृत्स्नमेष सुकृती कृतशौचः । स्नानहेतुकलशान् घुसृणाम्भः-पूरितानयमचीचलदिन्द्रैः ॥ श्रावकाः प्रतिपदं हृदयाग्र-न्यस्तहस्तधृतकाञ्चनकुम्भाः । निस्तरीतुमिव संसृतिसिन्धु, कुर्वते स्म निरपायमुपायम् ॥ शुद्धसङ्घपतिकीर्तिलतानां, विष्टपत्रितयगर्भगतानाम् । आतपत्रपटली विमलश्री-रादिकन्दवदियं विरराज ।। अत्युदारतरनर्त्तनगीतै-रुत्सवेन महता प्रहताघः । प्राप मन्त्रितिलकः किल कर्म-ध्वंसिनो जिनपतेरथ चैत्यम् ॥ कुङ्कुमाम्बुभिरसिस्नपदीशं, श्रावकैः सह यथाविधि मन्त्री । तैर्विधौततनुरेष तदाऽभूत् , पर्वतो विमल इत्युचिताः ॥ अङ्गमण्डनमखण्डनमासी-निर्मितं मृगमदेर्जिनभर्तुः ।। क्लुप्तसन्नह्नसन्निभमुच्चैः, कर्मकूटरिपुकोटिजयाय । भूरिपुष्परचिता जिनभर्तु-लम्बिताः कृतिभिरर्चनमालाः । अप्रभूष्णव इव स्मरमुक्ता, भल्लयो वपुषि भूषणमासन् ।। तैस्तथा जिनपुरस्तिमिरोर्मि-निर्ममेऽथ पृथुधूपजधूमैः । सस्पृहेव सचिवं सुकृतश्रीः, कौतुकादभिससार यथाऽसौ ॥ आरात्रिकं कृतमथ प्रथमस्य तीर्थ-भर्तुः पुरः स्फुरदुरुधुतिचक्रवालम् । उच्चावचप्रसरणैर्निजघान सङ्घ-दोषद्विषः कुसुमवृष्टिविराजमानम् ।।. इत्थं प्रेक्षणकक्षणाहितमनाः सम्पूज्य विश्वत्रयी
पूज्यं नाभिसुतं समाप्य च तथारूपामिहाष्टाहिकाम् । मन्त्रीशः प्रतिलाभितव्रतिततिः शत्रुञ्जयोर्वीधरा
दुत्तीर्णः कृतमङ्गलः समजनि श्रीनेमिसेवोत्सुकः ।। किञ्च- शेर्वज्रधरस्य दैत्य-मरुतामाचार्ययोः प्रज्ञया,
दानैर्देवगवी-मणि-क्षितिरुहां स्वर्गश्चिरं गर्वितः ।
४२
Jain Education International
For Private & Personal Use Only
www.jainelibrary.org
