________________
१०८
[ द्वितीय
श्रीमदरिसिंहविरचितं योगपात्रवदपात्रमप्यलं, प्रीणयत्यनुदिनं धनैस्त्वयि । तस्करेऽपि भृशमर्थितां गते, शेरते पुरि सुखेन रक्षकाः ॥ तावकीनयशसैव शाश्वतीं, पूर्णिमां शशिसमेन तन्वता । उज्ज्वले जगति पांशुलाकुलै-राकुलैरहह ! साधुता दधे ॥ . त्वन्महोभिरहिमांशुकोटिवद् , विप्रकीर्णनयनेन राहुणा । तिग्मभानुरनुपप्लुतोऽभवत् , सीम्नि वर्षति विशेषहर्षितः ।। इत्थमद्भुतविभूतिभूरभूद् , देव ! देशजनता नयात् तव । जैनधर्मपरिवर्धनोचितं, तन्महीरमणशासनं स्मर ॥ बान्धवस्य सुरसिन्धुबन्धुरां, भारतीमिति निशम्य सम्मदी । आह किञ्चन विचिन्त्य चातुरी-रोचितः सचिवचक्रशेखरः ॥ आत्मगोत्रगुरवः पुराऽभवन् , विश्रुता भुवि महेन्द्रसूरयः । यैः सिताम्बरवरैः सिताम्बरं, निर्ममे जगदमेयकीर्तिभिः ॥ यैरजीयत जगत्त्रयीजयी, मन्मथोऽयमिदमद्भुतं न नः । यद्भुवाऽपि यशसा यतो जितः, कामजिन्मुकुटकुटिमः शशी॥ शान्तिसूरिरथ तत्पदश्रियो-ऽलङ्कृतिः कृतिषु शेखरोऽभवत् । उद्गृणन्ति मरुतोऽपि यद्गुणान् , विस्मृतामृतरसा रसाधिकम् ॥ यं सुदर्शनधरं हरिभ्रमा-नास्पृशद् गुरुरिति स्वयं रतिः । कान्तसोमकलमीशशङ्कया, यं जयोति मदनोऽपि नैक्षत ॥ तत्पदेऽतिविदितप्रथावथा-ऽऽनन्दसूर्यमरसूरिसंज्ञको । वासमन्दिरविलासमन्दिरे, श्रेयसां मुनिविभू बभूवतुः ।। शैशवेऽपि मदमत्तवादविद्वारवारणनिवारणक्षमौ । यौ जगाद जयसिंहभूपति-याघ्र-सिंहशिशुकाविति स्वयम् ॥ जल्पतोर्जगति निर्भरं ययो-यद्वदत्वमगमन् विवादिनः । खं यदि स्फुटरवानुवादतः, स्वस्य शब्दगुणतामदर्शयत् ॥ तत्पदाम्बुरुहषटपदाः पदं, भेजिरेऽथ हरिभद्रसूरयः। यैर्विलुप्य कुसुमानि कीर्तिभि-लीयैव कुसुमायुधो जितः ।। संयमप्रभृतिभिस्तथा गुणैर्यन्मनःपदमपूरि भूरिभिः । न प्रवेष्टुमिह मन्मथो यथा-ऽनङ्गतामपि गतः क्षमोऽभवत् ॥ सन्ति सम्प्रति तदीयशासने, सूरयो विजयसेनसूरयः । उज्झितो जगति यैर्महास्त्रव-न्मन्मथोऽपि भवभेदकोऽभवत् ॥
Jain Education International
For Private & Personal Use Only
www.jainelibrary.org
