________________
परिशिष्टम् ।
सुकृतसंकीर्तनमहाकाव्यम् ।
आहड:
आसीदथ प्रबलशत्रुयशःशशाङ्क-श्रीराहुराहड इति क्षितिजीवितेशः । . निलोठितोऽद्भुतयदीयकलाकलापै-मग्नः शशी किल तदीययशःसमुद्रे ॥ ३७
यत्कीर्तिमेव धवलामवलोक्य लोके, लोकोऽयमन्चहममन्यत पूर्णमासीम् ।
एतां पुनः सततमात्मनि चन्द्रचार, पश्यन् कुहूतिथिवितर्कमवापदर्कः ॥ ३८ भूभटः
श्रीभूभटो रिपुभटोच्चयभेदरक्त-प्रोल्लासपल्लवितखड्गलतस्ततोऽभूत् । दिक्कुम्भिकुम्भमिषदिग्वनिताकुचाग्र-क्रीडाविशृङ्खलयशा जगतीभुजङ्गः ॥ ३९ दानच्छटासुरभिशीतलदिक्करेणु-लीलाचलश्रवणतालमरुत्तरङ्गैः । यत्कीर्तिमन्वहमिलापविलासखिन्ना, दिग्योषितो जलधिसीमनि वीजयन्ति ॥ ४० हरहसितसितानि तानि तन्व-न्नतनुतमानि जगत्रयीयशांसि ।
चिरमयमवनि शशास भास्व-त्तरतरवारिनिवारितारिवर्गः ।। किश्चदीर्घायुभवतादिति द्विजवरैर्ब्रह्मायुरित्यन्वहं,
बन्दीन्द्ररजरामरेति च कुलस्त्रीभिस्त्वमाशास्यसे । श्रीमन्त्रीश्वर वस्तुपाल ! किमपि ब्रूमस्तु विस्तारिणी,
कीर्तिनृत्यति यावदेव दिवि ते तावद् भवान् नन्दतात् ॥ उद्भ्रान्तैः सहसा पिनाकचलने क्षीरार्णवोल्लङ्घना-जङ्घालैः खरदूषणप्रशमनप्रारम्भसंरम्भितैः । 'उच्चै रावणनाशभासुरतरैरेभिर्यशोभिर्बभौ, श्रीसोमान्वयजोऽयमर्ककुलजक्षोणीधरस्पर्द्धया ॥ २
जैन किलैनं जगदुः शिवेऽपि, श्रीवस्तुपालः सचिवस्तु भक्तः । शङ्काद् गृहीतैः शुचिकीर्तिनीरे-रसिस्नपद् योऽम्बरमूर्तिमीशम् ॥ सदा प्रसादोन्मुखवस्तुपाल-दृक्पातपीयूषरसानुकारम् ।
अमुं प्रबन्धं प्रतिवादिदन्ति-सिंहोऽऽरिसिंहो रचयाञ्चकार ॥ प्रतिसर्ग प्रबन्धेऽस्मि-नरिसिंहविनिर्मिते । इमान्यकृत चत्वारि, काव्यान्यमरपण्डितः ॥ ५ ॥ इति श्रीसुकृतसङ्कीर्तननाम्नि महाकाव्ये चापोत्कटान्वयवर्णनो'
नाम प्रथमः सर्गः ॥१॥
मूलराजः
पदेऽथ तस्याजनि भागिनेयः, चौलक्यवंशार्णवपूर्णचन्द्रः । " श्रीमूलराजः प्रतिकूलराज-समूलनिर्मूलनबद्धमूलः ।। १क"निभानि भानि' इति पाठः ॥
Jain Education International
For Private & Personal Use Only
www.jainelibrary.org
