________________
२
___श्रीमदरिसिंहविरचितं
[हितीयं सत्यभ्रमेण कृतकानि गृहेषु हत्वा, हन्तव्यरूपकशतानि विशीर्णदन्तः । सत्यान्यपि प्रतिभयेन न तानि हन्ति, सम्प्राप्तधर्म इव यत्र बिडालकोऽपि ॥ २५ यद्दानिदानमुदितेन वनीपकेन, लभ्यः प्रभूतसुकृतैः कथमप्यवाप्तः ।
छाया-विभूषण-पयोऽर्पणहेतुरेव, देवद्रु-रत्न-सुरभीविभवोऽपि भेजे ॥ २६ योगराजः
तत्रावनीविभुरभूद् वनराजराज्य-राजीवभानुररिवर्गवनीकृशानुः । श्रीयोगराज इति यस्य रराज पाणि-पद्मेऽब्धिपक्षसुभगा भ्रमरीव भूमिः ॥ २७ यस्यासिधेनुफलके नवनागवल्लि-पत्त्रोपमे मुखमुपेयुषि भूभुजङ्गैः ।
सद्यस्करक्तरसनैरभिवीरशय्या-माश्लिष्यते स्म जगती नवमोहनेन ॥ २८ रत्नादित्यः
भारं भुवो भुजभरेण बभार रत्ना-दित्यस्ततः क्षितिपमण्डलमौलिरत्नम् । चण्डासिदण्डदलितोरुतरावनीभृ-दंशालिविस्फुरितमौक्तिककल्पकीर्तिः ॥ २९ आदेशपत्रमिव यत्तरवारिदण्ड, वीक्ष्यैव दण्डधरचण्डधराधिपस्य ।
चक्रे प्रयाणकमरातिनरेन्द्रवर्गः, स्वर्ग प्रति त्वरितमद्भुतभीतिभावात् ॥ ३० वैरिसिंहः
दुर्वारवारणघटोत्कटवैरिसिंहः, श्री वैरिसिंह इति भूदयितस्ततोऽभूत् । यत्कीर्तिकान्तिविशदेषु जगत्सु पाणि-स्पर्शेन चन्द्रमसमाकलयन्ति ताराः ॥ ३१ प्रत्यर्थिपार्थिवगगः समराङ्गणेषु, ग्रीष्मातिभीष्मतरणिधुतिभारतुल्यैः ।
तप्तो महोभिरिव यस्य कृपागवल्लि-धारागृहव्यतिकरव्यसनी बभूव ॥ ३२ क्षेमराजः
श्रीक्षेमराजनृपतिर्वसुधां सुधांशु-ज्योत्स्नासमुज्ज्वलयशाः प्रशशास तस्मात् । यस्यासिवल्लिरिभकुम्भविभेदलग्न-मुक्ताफलैः कुसुमिता फलिता जयेन ॥ ३३ धूमीभवद्यदसिवल्लिरतीवतीत्रः, कोपानलः किमपि यस्य हृदि प्रदीतः ।। प्रत्यर्थिपार्थिवचमूरमणीसमूह-बाष्पाम्बुभिर्भृशमयं शमयाम्बभूवे ॥
चामुण्डराजा
विश्वप्रभुः कुतुककन्दुकितारिमुण्ड-चामुण्डराज इति राजयति स्म तस्मात् । पूरे प्रसर्पति यदीययशस्तटिन्या, दूरादमजदुडुपः सह तारकौघैः ॥ ३५ निर्यन् पयोमयपयोधिजलाद् घनान्ते, वीक्ष्याभितो जगति यस्य यशःप्रकाशम् । . अद्यापि नापतति पारमिति प्रसर्पन् , लोकान्तशैलशिखरैः स्खलितो मुरारिः ॥ ३६
Jain Education International
For Private & Personal Use Only
www.jainelibrary.org
