Kirti Kaumudi tatha Sukrut Sankirtan

SR No.: 002505
Original Sutra Author: Someshwar Mahakavi, Arisinh Thakkur Kavi
Publisher: Singhi Jain Shastra Shiksha Pith Mumbai
Publication Year: 1961
Total Pages: 168
Language: Sanskrit
Classification: Book_Devnagari & Literature
File Size: 10 MB

Page 108

परिशिष्टम् ] .. सुकृतसंकीर्तनमहाकाव्यम् ।
यस्मिन् सदैव निकृतानि निकेतनाग्र-जाग्रन्मणिद्युतिभरैर्नितमा तमांसि । । आरामकालिममिषेण बहिःस्थितानि, तानि प्रसर्पदरघट्टरवै रटन्ति ॥ ११ जाड्यं जनेषु रजनीजनितं विभिन्द-नुद्दीपयन्नपि दिवाकरकान्तचुल्लीः । जालान्तरागतकरस्तरणिर्द्विधाऽपि, यस्मिन्नभूदनुगृहं ननु सूपकारः ॥ यस्मिन् विलाससदनेषु विलासवत्यः, पत्युः करेऽपहृतवत्यधरोत्तरीयम् । रत्नप्रदीपविफलीकृतफूत्कृतस्त-नेत्रे निमील्य सुखतो दधतेऽन्धकारम् ॥ पर्वक्षणे न खलु निश्चिनुते दिनेषु, सूर्य सुवर्णसुरसद्मकिरीटकुम्भैः । यत्रोन्नतालयशिरःपुरयोषिदास्य-नैव क्षिपापतिमपि क्षणदासु राहुः ॥ १४ सङ्कोचिताम्बुजकुलोऽपि हतार्ककान्त-क्रीडोऽपि पीडितरथाङ्गकुटुम्बकोऽपि । प्रातः प्रयाति विधुरुज्ज्वल एव यत्र, सौधावनिस्खलितधामनि धामनाथे ॥ १५ रुद्धेऽपि यत्र मरुदध्वनि वारिवाहै-लोकः सदा नियमभानुविलोकभोजी । पूर्वाद्रिमौलिगतमेव गृहाधिरोहा-दकं विलोक्य लगति व्यवसायवीथ्याम् ॥ १६ यत्र प्रतिक्षणविवृद्धरसातिरेक-निष्कम्पदम्पतिकदम्बककैतवेन । रत्या सहाजनि निकाममनेकमूर्ति-रेकाङ्गमोहनरसैः स्मृतिभूरतृप्तः ॥ १७ यत्रोच्चसौधभुवि सव्यकारात्तपिण्डविश्रम्भिणां गगनसिन्धुजलद्विपानाम् ।। कुम्भान् विभूषयति भीरुगणः स्वभाल-सिन्दूरधूलिभिरसव्यकरोद्धृताभिः ॥ १८ यस्मिन्नुपर्युपरि गन्तुमशक्नुवन्तो, दूरेण सूरतुरगाः परितः स्फुरन्तः । उच्चैर्विशालमणिसालगतस्वबिम्ब-स्पर्द्धाप्लुतैर्दिनमिति परिमाणयन्ति ॥ १९ चेद् योग्यताऽस्ति परिखां पिब मे त्वमेहि, विन्ध्योऽप्युदञ्चतु मयाऽपि हतोऽर्कमार्गः । योति केतुपटकिङ्कणिकारवैः खे, वप्रो वदत्युदधिपायिनमप्यगस्तिम् ॥ २० मन्दाकिनी वियति तुङ्गविशालसाल-रोधद्विधाप्रसृमरा परितः स्फुरन्ती। शङ्के सुराधिपतिनिग्रहविग्रहाय, यत्रान्तरालपरिखाश्रियमादधाति ॥ २१ अग्नानि भूमिधरभासुरसालभित्ति-भागेषु मारविवराण्यभितोऽपि यत्र । व्योमापगाजलगजप्रतिमानसीम-निर्मग्नदन्तहतिलक्ष्मनिभानि भान्ति ॥ २२ यद्रत्नवेश्मपरिमार्जनिकारजोभि-र्दूरोज्झितैरुपवनावनिदोषभीत्या । अभ्रंलिहो जगति यः पटुरत्नगर्भः, कूटः किलाजनि जनेषु सुरत्नसानुः ॥ २३ यस्मिन्- जनाय मणिवेश्मविभाविभिन्न-ध्वान्तोत्करेऽपि कथयन्ति विभातभावम् । लीलासरोवरसरोरुहिणीविकाश-सौरभ्यलुभ्यदलिनीकलकूजितानि ।। २४
१.ग-क्षपाप ॥ २ग-भग्नानि ॥