________________
कुमारपालदेवचरितम् ।
तथाप्यभङ्गुरोत्साहं नृपं कूटाचलाधिपः ।
उवाच माग्राम्य (मा कृथा) दुर्गमत्र कर्तुं न कोऽप्यलम् ॥१६१ ॥ प्राणात्ययेऽपि कर्ताऽस्मि नृपेणोक्ते सुरोऽब्रवीत् । यद्येवं निश्चयस्तर्हि कुरु चित्रनगोपरि ॥ १६२॥ दुर्गस्य नाम मध्ये तु देयं मे नाम भूपते ! । ततश्चित्राङ्गदश्चक्रे दुर्गं चित्रनगोपरि ॥ १६३ ॥ चित्रकूटेति दत्ताख्यं देवेन तदधिष्ठितम् । कोटीध्वजानां यन्मध्ये सहस्राणि चतुर्द्दश ॥ १६४ ॥ लक्षेश्वराणां योग्या च कारिता तलहट्टिका । वापीकूपसरोमुख्यं शेषं देवेन निम्मितम् ॥१६५॥
§§९. इतश्च स्वर्णपुरुषं सिद्धं चित्राङ्गदस्य तम् ।
Jain Education International
ग्रहीतुं कन्यकुब्जेशः शम्भलीशनृपो बली ॥१६६॥ अरोत्सीद् दुर्गमागत्य ततश्चित्राङ्गदोऽपि हि । नियन्त्रितपुरद्वारो लसत्युपरि निर्भयः ॥१६७॥ चाराः कौरिकवेषेण वर्षेः कतिपयैः पुरम् । प्रविश्य शुश्रुवुर्वा गृहे शुल्काधिकारिणः || १६८|| गवाक्षस्था मन्त्रिपुत्री लालयन्ती सुतं निजम् । भाषते तात ! किं नैते मुच्यन्ते वणिजारकाः ॥ १६९ ॥ हसित्वा तत्पिताहैते न वत्से ! वणिजारकाः । शम्भलीशचमूरेषाऽवात्सीद् दुर्गजिघृक्षया || १७० ।। वत्से ! जन्म यदा तेऽभूत् तदेदं सैन्यमागतम् । त्वमूढा पुत्रवती वत्से ! जाता चैतत् तथैव तु ॥ १७१ ॥ तच्छ्रुत्वा शम्भलीशोऽपि ससैन्यो दुर्गगोपुरे । प्रोक्तो गवाक्षस्थबर्करीवेश्यया यतः ॥ १७२ ॥ गण्डूपदः किमधिरोहति मेरुशृङ्गं किं वा खेरजगरो निरुणद्धि मार्गम् । शक्येषु वस्तुषु बुधाः श्रममारभन्ते दुर्गग्रहग्रहिलतां त्यज शम्भलीश ! ॥१७३॥
For Private & Personal Use Only
१३
5
10
15
20
25
www.jainelibrary.org
