________________
२९५
कुमारपालप्रतिबोधसक्षेपः ६६५०. कुमारपालदिनचर्यावर्णनम् ।
तो पंचनमुक्कारं सुमरंतो जग्गए रयणिसेसे ।। *चिंतइ अय दो वि हिय[ए] देवगुरुधम्मपडिवत्तिं ।।५२४॥ काऊण कायसुद्धि कुसुमामिस-थोत्तविविहपूयाए । पुज्जइ जिणपडिमाओ पंचहिं दंडेहिं वंदेइ ॥५२५॥ निच्चं पच्चक्खाणं कुणइ जहासत्ति सत्तगुणनिलओ । सयलजयलच्छितिलओ तिलयावसरम्मि उवविसइ ॥५२६।। करिकंधराधिरूढो समत्तसामंतमंतिपरियरिओ । वच्चइ जिणिंदभवणं विहिपुव्वं तत्थ पविसेइ ॥५२७।। अट्ठप्पयारपूयाइ पूइडं वीयरायपडिमाओ । पणमइ महिनिहियसिरो थुणइ पवित्तेहिं थोत्तेहिं ॥५२८।। गुरुहेमचंदचलणे चंदणकप्पूरकणयकमलेहिं । संपूईऊण पणमइ पच्चक्खाणं पयासेइ ॥५२९॥ गुरुपुरओ उवविसिउ परलोयसुहावहं सुणइ धम्मं । गंतूण गिहं वियरइ जणस्स विन्नत्तियावसरं ॥५३०।। विहियग्गकूरथालो पुणो वि घरचेइयाइं अच्चेइ । कयउचियसंविभागो भुंजेइ पवित्तमाहारं ।५३१।। भुत्तुत्तरं सहाए वियारए सह बुहेहिं सत्थत्थं । कइया वि निवनियुत्तो कहइ कहं सिद्धवालकई ॥५३२॥
10
15
., [अत्र कविसिद्धपालकथिता अपभ्रंशभाषाबद्धा जीवमनःकरणसंलापकथा ज्ञातव्या ] 20
अन्नदिणेऽन्नविबुहेण य जंपियं देव किंपि पुच्छिस्सं । रन्ना भणियं पुच्छसु बुहो पयट्टो भणिउमेव ॥५३३।।
[अत्र कश्चिदन्यविबुधकथितं विक्रमादित्यकथानकं विज्ञेयम् ।]
* . अस्पष्टार्थोऽयं पाठः । जिनमण्डनगणिविरचितकुमारपालप्रबन्धे तु 'चिंतइ य दो वि हियए' (पृ० १०७ प्र०) इत्येवमुपलभ्यते ।
Jain Education International
For Private & Personal Use Only
www.jainelibrary.org
