________________
२९३
कुमारपालप्रतिबोधसक्षेपः
तो कोहमाणमायालोभा चउरो चउव्विहा हुंति । एक्किक्कसो अणंताणुबंधिपमुहेहि भेएहि ॥५०६।। कज्जाकज्जविचारणचेयन्नहरस्स विसहरस्सेव । कोवस्स कोऽवगासं मइमं मणमंदिरे दिज्जा ? ॥५०७।।
६६४६. क्रोधजयोपदेशः ।
सुट्ठ जलणो जलंतो वि दहइ तं चेव जत्थ संलग्गो । कोहजलणाउ जलिओ सठाणमन्नं परभवं च ॥५०८॥ जिणपरवयणमेहसमुब्भवेण पसमामएण कोवदवं । विज्झवइ जो नरो होइ सिवफलं तस्स धम्मवणं ॥५०९।। कोवेण कुगइदुक्खं जीवा पावंति सिंहवग्ध व्व । होउं खमापरा पुण लहंति सग्गाऽपवग्गसुहं ।।५१०॥
10
[अत्र सिंहव्याघ्रकथानकमनुसन्धेयम् ।]
15
६४७. मानजयोपदेशः ।
अट्ठमयट्ठाणेहिं मत्तो अंतोनिविट्ठसंकु व्व । कस्स वि अनमंतो तिहुयणं वि मन्नइ तणं व नरो ॥५११॥ मयवट्टो उड्डमुहो गयणम्मि गणंतिओ रिक्खाई । अनिरिक्खियसुहमग्गो भवावडे पडइ किं चोज्जं ॥५१२।। राया-ऽमच्चाईणं पि सेवओ माणवज्जिओ चेव । लहइ मणवंछियत्थं पुरिसो माणी पुण अणत्थं ।।५१३।। माणी उव्वेयकरो न पावए कामिणीण कामसुहं । इत्थीण कामसत्थेसु कम्मणं मद्दवं जम्हा ॥५१४॥ मोक्खतरुबीयभूओ माणत्थड्डस्स नत्थि धम्मो वि । धम्मस्स जओ समए विणउ च्चिय वन्निओ मूलं ॥५१५॥
Jain Education International
For Private & Personal Use Only
www.jainelibrary.org
