________________
२९१
कुमारपालप्रतिबोधसक्षेपः
सच्छंदपयाराइं जहा अणत्थे पडंति डिंभाइं । अनिजंतियवावारा जीवा निवडंति तह नरए ॥४८६।। तेणावायपरंपरविसमविसप्पसरलंभणनिमित्तं । निद्दिटुं रक्खाकंडयं व सिक्खावयं एयं ॥४८७।। अणुवित्तीए वि हु ओसहं व जो कुणइ वयमिणं मणुओ । पवणंजउ व्व पावइ सो इहलोए वि कल्लाणं ॥४८८॥
[अत्र पवनञ्जयकथानकमनुसन्धेयम् ।]
६६४३. पौषधव्रतोपदेशः ।
आहार-देह-भूसण-अबंभवावारचायरूवं जं । पव्वेसु पोसहं तं तइयं सिक्खावयं बिंति ॥४८९।। अट्ठमि-चउद्दसीपमुहपव्वदियहेसु जो कुणइ एयं । पावइ उभयभवेसुं सो रणसूरु व्व कल्लाणं ॥४९०।।
[अत्र रणशूरकथानकमनुसन्धेयम् ।]
15
६६४४. अतिथिसंविभागव्रतोपदेशः ।
साहूण संविभागो जो कीरइ भत्त-पाणपमुहेहिं । तं अतिहिसंविभागं तुरियं सिक्खावयं बिंति ॥४९१॥ जो अतिहिसंविभागं परिपालइ पवरसत्तसंजुत्तो । नरदेवो व्व सउन्नो इहावि सो लहइ कल्लाणं ॥४९२।।
20
[अत्र नरदेवकथानकमनुसन्धेयम् ।] एवं नरिंद ! तुह अक्खियाइं एयाइं बारसवयाइं । रन्ना भणियं भयवं ! अणुग्गहो मे कओ तुमए ॥४९३।।
Jain Education International
For Private & Personal Use Only
www.jainelibrary.org
