________________
२८७
कुमारपालप्रतिबोधसक्षेपः
- [अत्र मकरध्वजदृष्टान्तोऽनुसन्धेयः ।]
६६३५. अदत्तादानविरत्युपदेशः ।
जं चोरंकारकरस्स खत्तखणणाइणा परधणस्स । दुविह-तिविहेण वज्जणमणुव्वयं बिंति तं तइयं ॥४४९।। जो न हरइ परदव्वं इहावि सो लहइ न वहबंधाइं । परलोए पुण पावइ सुर-नररिद्धीओ विउलाओ ॥४५०।। एक्कस्स चेव दुक्खं मारिज्जंतस्स होइ खणमेकं । जावज्जीवं सकुडुंबयस्स पुरिसस्स धणहरणे ॥४५१।। दव्वं परस्स बझं जीयं जो हरइ तेण सो हणिओ । दव्वविगमे जओ जीयमंतरंगं पि जाइ खयं ।।४५२।। जं खत्तखणणबंधग्गहाइविहिणा परस्स धणहरणं । पच्चक्खदिट्ठदोसं तं चिट्ठउ दूरओ ताव ॥४५३।। परवंचणेण घेत्तुं दितस्स वि परधणं परभवम्मि । परगेहे च्चिय वच्चइ दत्तस्स व वणियपुत्तस्स ॥४५४।।
[अत्र वणिक्पुत्रदत्तकथाऽनुसन्धेया ।]
15
६६३६. परदारविरत्युपदेशः ।
जं नियनियभंगेहिं दिव्वाणं माणुसाण तिरियाणं । परदाराणं विरमणमणुव्वयं बिंति तं तुरियं ॥४५५।। चउविहकसायमुक्को चउगइसंसारभवणनिव्विण्णो । जो धरइ चउत्थवयं सो लहइ चउत्थपुरिसत्थं ॥४५६।। निव्वडियसुहडभावाण ताण को वहउ एत्थ समसीसिं । पररमणिसंकडे निवडिया वि न मुयंति जे मेरं ॥४५७।। इणमेव धम्मबीयं इणमेव विवेयकणयकसवट्टो । इणमेव दुक्करं जं कीरइ परदारविरइवयं ॥४५८॥
Jain Education International
For Private & Personal Use Only
www.jainelibrary.org
