________________
२७८
10
कुमारपालचरित्रसङ्ग्रहः तृतीयः प्रस्तावः ६६ २५. कुमारपालाय हेमसूरिप्रदत्तो दानोपदेशः ।
अह जंपइ मुणिनाहो जीवदयालक्खणस्स धम्मस्स । कारणभूअं भणियं दाणं परदुक्खदलणं ति ॥३५४॥ नो तेसिं कुवियं व दुक्खमखिलं आलोयए सम्मुहं, नो मिल्लेइ घरं कमंकवडिया दासि व्व तेसिं सिरी । सोहग्गाइगुणा चयंति न गुणाऽऽबद्ध व्व तेसिं तj, जे दाणम्मि समीहियत्थजणणे कुव्वंति जत्तं जणा ॥३५५।। दाणं पुण नाणा-ऽभय-धम्मोवटुंभमेयओ तिविहं । रयणत्तयं व सग्गा-पवग्गसुहसाहणं भणियं ॥३५६।। नाणं तत्थ दुभेयं मिच्छानाणं च सम्मनाणं च । जं पावपवित्तिकरं मिच्छानाणं तमक्खायं ॥३५७।। तं च इमं वेज्जय-जोइसत्थ-रस-धाउवायकामाणं । तह नट्ट-सत्थ-विग्गह-मिगयाण परूवगं सत्थं ।।३५८॥ जं जीवदयामूलं समग्गसंसारमग्गपडिकूलं । भावरिउहिययसूलं तं सम्मं नाणमुद्दिढें ॥३५९।। तं पुण दुवालसंगं नेयं सव्वन्नुणा पणीयं ति ।
मोक्खतरुबीयभूओ धम्मो च्चिय वुच्चए जत्थ ॥३६०॥ किञ्च
सम्मत्तपरिग्गहियं सम्मसुयं लोइयं तु मिच्छसुयं । आसज्जउ सोआरं लोइय-लोउत्तरे भयणा ॥३६१।। नाणं पि तं न नाणं पावमई होइ जत्थ जीवाणं । न कयावि फुरइ रयणी सूरम्मि समुग्गए संते ॥३६२।। नाणं मोहमहंधयारलहरीसंहारसूरुग्गमो, नाणं दिट्ठ-अदिट्ठ-इट्ठघडणासंकप्पकप्पडुमो । नाणं दुज्जयकम्मकुंजरघडापंचत्तपंचाणणो, नाणं जीव-अजीववत्थुविसरस्सालोयणे लोअणं ॥३६३।।
15
20
25
Jain Education International
For Private & Personal Use Only
www.jainelibrary.org.
