________________
कुमारपाल प्रतिबोधसङ्क्षेपः
६६२४. कुमारपालस्य शत्रुञ्जयतीर्थयात्राकरणवर्णनम् । पत्तो तत्थ कमेणं पालित्ताणम्मि कुणइ आवासं । अह कुमरनरिंदो हेमसूरिणा जंपिओ एवं || ३४३॥ पालित्ताणं गामो एसो पालित्तयस्स नामेण । नागुज्जुणेण ठविओ इमस्स तित्थस्स पूजत्थं ॥ ३४४॥ पुहइपइट्ठाण-भरुयच्छ- मन्नखेडाइनिवइणो जं च । धम्मे ठविया पालित्तणएण तं कित्तियं कहिमो ॥ ३४५॥ सत्तुंजयमारूढो गया रिसहस्स कुणइ गुरुभति । सो पासायं दट्ठूण विम्हिओ जंपिओ गुरुणा ||३४६|| बाहडमहत्तमेणं उद्धरिओ एस तुह पसाएण । तिहुयणभरणु व्व रिउ व्व पुंजिओ सहइ तुज्झ जसो ||३४७|| तो उत्तरिउं सत्तुंजयाओ नियनयरमागओ राया । उज्जिते नेमिजिणो न मए नमिओ त्ति झूरेइ ||३४८||
जंपर सहानिसन्नो सुगमं पज्जं गिरिम्मि उज्जिते । को कारविउं सक्को ?, तो भणिओ सिद्धवाले ||३४९|| प्रष्टा वाचि प्रतिष्ठा जिनगुरुचरणाम्भोजभक्तिर्गरिष्ठा, श्रेष्ठाऽनुष्ठाननिष्ठा विषयसुखरसास्वादसक्तिस्त्वनिष्ठा । बंहिष्ठा त्यागलीला स्वमतपरमतालोचने यस्य काष्ठा; धीमानाम्रः स पद्यां रचयितुमचिरादुज्जयन्ते नदीष्णः || ३५० || युक्तं त्वयोक्तमित्युक्त्वा पद्यां कारयितुं नृपः । पुत्रं श्रीराणिगस्यानं सुराष्ट्राधिपतिं व्यधात् ॥३५१॥ यां सोपानपरम्परापरिगतां विश्रामभूमीयुतां, स्रष्टुं विष्टपसृष्टिपुष्टमहिमा ब्रह्मापि जिह्मायितः । मन्दस्त्रीस्थविरार्भकादिसुगमां निर्वाणमार्गोपमां; पद्यामाम्रचमूपतिर्मतिनिधिर्निर्मापयामास ताम् ॥३५२॥ इय सोमप्पहकहिए कुमारनिव - हेमचंदपडिबद्धे । जिणधम्मप्पडिबोहे समत्थिओ बीयपत्थावो ॥ ३५३॥ इत्याचार्यश्रीसोमप्रभविरचिते कुमारपालप्रतिबोधे द्वितीयः प्रस्तावः ।
Jain Education International
For Private & Personal Use Only
२७७
5
10
15
20
25
www.jainelibrary.org
