________________
5
10
15
20
२७६
25
काऊण पायलेवं गयणे सो भमइ नमइ तित्थाई । सुइ सुरट्ठनिवासी भिक्खू नागज्जुणो एवं ||३३१॥ ६६२३. नागार्जुनभिक्षुवर्णनम् ।
Jain Education International
कुमारपालचरित्रसङ्ग्रहः
सो पत्थइ पालित्तं पयच्छ ! नियपायलेवसिद्धि मे । गिve मह कणयसिद्धिं तत्तो पालित्तओ भइ ||३३२|| निक्किचणस्स किं कंचणेण किं चत्थि मे कणयसिद्धी । तुह पायलेवसिद्धिं च पावहेउ त्ति न कहेमि ||३३३|| तो कयसावयरूवेण भिक्खुणा आगयस्स गिरिनयरे । गुरुणो गुरुभत्तीए जलेण पक्खालिया चलणा ||३३४|| पयपक्खालणसलिलस्स गंधओ ओसहीण नाऊण । सत्तुत्तरं सयं तेण पायलेवो सयं विहिओ ||३३५|| तव्वसओ गयणे कुक्कुडो व्व उप्पडइ पडइ पुर्ण भिक्खू । तो कहइ जहावित्तं गुरुणो तेणावि तुट्ठेण ||३३६॥ भणिओ भिक्खू तंदुलजलेण कुरु पायलेवमेयं ति । कुणइ तह च्चिय भिक्खू जाया नहगमणलद्धी से ||३३७|| पालित्तयस्स सीसो व्व कुणइ नागज्जुणो तओ भतं । नेमिचरियाणुगरणं सव्वं पि कयं इमं तेण ||३३८ || तं सोउं भत्तिपरो नरेसरो नेमिनाहनमणत्थं । गिरिमारुहिउं वंछइ तो भणिओ हेमसूरीहिं ॥ ३३९|| नरवर ! विसमा पज्जा अओ तुमं चिट्ठचडउ सेसजणो । लहहिसि पुन्नं संबो व्व भावओ इह ठिओ वि तुमं ||३४०|| तो रन्ना पट्टविया पहुणो पूया पहाणजणहत्थे । तत्थ ठिएणावि सयं गुरुभत्तीए जिणो नमिओ || ३४१ || अह जिणमहिमं काउं अवयरिए रेवयाओ सयलजणे । चलिओ कुमारवालो सत्तुंजयतित्थनमणत्थं ॥३४२॥
For Private & Personal Use Only
www.jainelibrary.org
