________________
कुमारपालप्रतिबोधसङ्क्षेपः
दट्टु कुमरमुवितं रविं व नलिणी विसट्टमुहकमला । आसि पुव्वमिहि तु पिच्छिउं तं नियत्तं सा ॥३१९॥ राइमई खेयपरा परसुनियत्त व्व कप्परुक्खलया । मुच्छानिमीलियच्छी सहस त्ति महीयले पडिया || ३२०|| सत्थीकया सहीहिं बाहजलाविलविलोयणा भणइ । हा ! नाह ! किमवरद्धं मए जमेवं नियत्तो सि ॥ ३२९॥ जइ वि तुमए विमुक्का अहं अहन्ना तहा वि मह नाह ! । तुह चलण च्चिय सरणं ति निच्छिउं सा ठिया बाला ॥ ३२२ ॥ दाऊण वच्छरं दाणमुज्जयंते पवन्नचारित्तो । चउपन्नासदिणंते लहइ पहू केवलं नाणं ॥ ३२३॥ तो नगरागर - गामाइएसं पडिबोहिऊण भवियजणं । सो वाससहस्साऊ इहेव अयले गओ मुक्खं ॥ ३२४॥ रन्ना भणियं भयवं ! अज्ज वि तक्कालसंभवं किमिमं । चिट्ठइ दसारमंडवपमुहं तो जंपियं गुरुणा ॥ ३२५॥ तक्कालसंभवं जं तं न इमं किं तु थेवकालभवं । तमिमं पुण जेण कयं कहेमि तं तुज्झ नरनाह ! || ३२६ ||
२२. पादलिप्तसूरिवर्णनम् ।
गुरुनागहत्थिसीसो बालो वि अबालमइगुणो सुकई । कइया वि कंजियं घेत्तुमागओ कहइ गुरुपुरओ ॥३२७|| अंबं तंबच्छीए अपुप्फियं पुप्फदंतपंतीए । नवसालिकंजियं नववहूइ कुडएण मे दिन्नं ॥३२८॥ गुरुणा भणिओ सीसो वच्छ ! पलित्तो सि जं पढसि एवं । सीसो भणइ पसायं कुरु मह आयारदाणेण ॥ ३२९ ॥
Jain Education International
एवं ति भणइ सूरी तो पालित्तो जणेण सो वुत्तो । जाओ य सुयसमुद्दो आयरिओ विविहसिद्धिजुओ ||३३०||
For Private & Personal Use Only
२७५
5
10
15
20
25
www.jainelibrary.org
