________________
२७४
10
कुमारपालचरित्रसङ्ग्रहः 88२१. उज्जयन्तासन्नगिरिनगरवर्णनम् ।
तत्थ नरिंदेण दसारमंडवो भुवणमंडणो दियो । तह अक्खाडयसहिओ आवासो उग्गसेणस्स ॥३०६।। विम्हियमणेण रन्ना मुणिनाहो पुच्छिओ किमेयं ति । भणइ गुरू गिरिनयरं ठाणमिणं उग्गसेणस्स ॥३०७|| बारवईए पुरीए समुद्दविजयाइणो दस दसारा । आसि असिभिन्नअरिणो जायवकुलविंझगिरिकरिणो ॥३०८॥ तत्थ दसमो दसारो वसुदेवो तस्स नंदणो कण्हो । सो आसि तत्थ राया तिखंडमहिमंडलस्स पहू ॥३०९।। पुत्तो समुद्दविजयस्स आसि कुमरो अरिष्टनेमि त्ति । बावीसइमो तित्थंकरो त्ति चारित्तकयचित्तो ॥३१०॥ अविसयतण्हो कण्होवरोहओ उग्गसेणरायसुयं । राइमइं परिणेउं सो चलिओ रहवरारूढो ॥३११।। करि-तुरय-रहारूढेहिं कण्हपमुहेहिं पवरसयणेहिं । सहिओ समागओ उग्गसेणनिवमंदिरासन्नं ॥३१२।। सोऊण करुणसदं जा दिढेि देइ तत्थ ता नियइ । रुद्धे पसु सस-सूअर-उरब्भ-हरिणाइणो जीवे ॥३१३।। तस्सद्दजग्गियदओ किमिमे रुद्ध त्ति पुच्छए कुमरो । तो सारहिणा भणियं-कुमार ! सुण कारणं एत्थ ॥३१४।। हणिउं इमे वराए इमाण मंसेण भोयणं दाही । तुज्झ विवाहे वेवाहियाण सिरिउग्गसेणनिवो ॥३१५।। तो भणियं कुमरेणं धिद्धी ! परिणयणमेरिसं जत्थ । भवकारागारपवेसकारणं कीरए पावं ॥३१६।। भोगे भुयंगभोगे व्व भीसणे दूरओ लहुं मुत्तुं । संसारसागरुत्तरणसंकमं संजमं काहं ॥३१७।। तो वज्जरियं इमिणा इत्तो सारहि ! रहं नियत्तेसु । चालेसु मंदिरं पइ तेणावि तहेव तं विहियं ॥३१८॥
15
20
25
For Private & Personal Use Only
Jain Education International
www.jainelibrary.org
