________________
२५६
कुमारपालचरित्रसङ्ग्रहः तस्सि चरिखित्तेसुं नरवइणा वावियाई धन्नाइं । तेसिं दंसणहेउं कयावि राया विणिक्खंतो ॥१०१।। तम्मि समए करिसरोहिं धन्नमज्झाओ पुव्वमुवखणिउं । पुंजीकएसु निष्फलतणेसु पज्जालिओ जलणो ॥१०२॥ तत्थ जलणेण डझंतविग्गहं गब्भनिन्भरं भुयगि । दटुं संविग्गेणं रन्ना परिभावियं एयं ॥१०३।। अहह इमो घरवासो परिहरणिज्जो विवेयवंताणं । बहुजीवविणासकरा आरंभा जत्थ कीरति ॥१०४।। एवं संविग्गमणो राया नियमंदिरम्मि संपत्तो । हक्कारिऊण पुच्छइ एगते सावयं एगं ॥१०५।। संपइ सिरिदत्तगुरू गुणवंतो कत्थ विहरइ पएसे । सो कहइ डिंडुयाणयपुरम्मि मुणिपुंगवो अत्थि ॥१०६।। तो राया रयणीए कस्स वि अनिवेइऊण निक्खंतो । तुरयम्मि समारुहिऊण डिंडुयाणयपुरे पत्तो ।।१०७॥ सिरिदत्तगुरुं नमिऊण तस्स कहिऊण निययवुत्तंतं । जंपइ संपइ काउं अणुग्गहं देहि मह दिक्खं ॥१०८।। गुरुणा वुत्तं जुत्तं उत्तमसत्तस्स तुज्झ नरनाह ! । रज्जं तणं व मुत्तुं करेसि जं संजमग्गहणं ॥१०९।। न हि संजमाउ अन्नो संसारुच्छेयकारणं अत्थि । नवजलहरं विणा किं निव्वडइ दवानलं को वि ॥११०।। रन्ना अणप्पमुल्लं एक्कं एक्कावलिं समप्पेउं । जिणधम्मनिम्मलमणा पयंपिआ सावया एवं ॥१११।। कारवह जिणाययणं इमीए एक्कावलीइ मुल्लेण । तेहि वि तह त्ति पडिवज्जिऊण तं झत्ति कारवियं ॥११२।। तं अत्थि तत्थ अज्ज वि चउवीसजिणालयं जिणाययणं । पुन्नं व मुत्तिमंतं जसभद्दनिवस्स जं सहइ ॥११३॥ रन्ना पुण पडिवन्ना सिरिदत्तगुरुस्स चलणमूलम्मि । अंतररिउवहदक्खा दिक्खा निसियासिधार व्व ॥११४।।
15
20
25
For Private & Personal Use Only
Jain Education International
www.jainelibrary.org
