________________
कुमारपालप्रतिबोधसङ्क्षेपः
Jain Education International
एगंतरोववासे जा जीवं अंबिलं च पारणए ।
काहं ति तेण विहिया वयगहणदिणे च्चिय पइन्ना ॥ ११५ ॥ सुयसागरपारगओ सूरिपयं पाविऊण जसभद्दो | भुवणे चिरं विहरिओ पडिबोहंतो भवियवग्गं ॥ ११६॥
ससमय-परसमयविऊ समए तेणावि नियपए ठविओ । निज्जियपज्जुन्नभडो पज्जुन्नो नाम वरसूरी ॥११७॥ अह जसभद्दो सूरी तिव्वतवच्चरणसोसियसरीरो । नियपरिवारसमेओ आरूढो उज्जयंतगिरिं ॥ ११८ ॥ रेवगिरिंदमउडं व सुकयलच्छीविलासकमलं व । भवजलहिजाणवत्तं व जिणहरं गणहरो पत्तो ॥ ११९॥ नमिऊण नेमिनाहं पमज्जिउं निवसिऊण तस्स पुरो । पज्जुनसूरिपमुहं नियपरिवारं भणइ एवं ॥ १२०॥ रागद्दोसविमुक्को चिरसेवियनाणदंसण-चरित्तो । निच्छयनएण तित्थं अप्प च्चिय वुच्चए जइ वि ॥ १२१ ॥ तह विहु ववहारयेण जो पएसो पणट्टपावाण । तित्थंकराण पएहिं फरिसिओ सो परं तित्थं ॥ १२२॥ इह दिक्खापडिवत्ती नाणुप्पत्ती विमुत्तिसंपत्ती । नेमिस्स जेण जाया तेणेसो तित्थमुज्जितो ॥ १२३॥
अन्नत्थ वि मेल्लिस्सं निस्संदेहं दुहावहं देहं । तत्तो वरं सत्थे तित्थे इत्थे वि मेल्लेमि ॥ १२४ ॥ • इय भणियं पच्चक्खइ जिणपच्चक्खं चउव्विहाहारं । वारंतस्स वि पज्जुन्नसूरिणो सपरिवारस्स ॥ १२५ ।। पउमासोवविट्टो परिचत्तसमत्तगत्तपरिकम्मो । सिरिनेमिनाहपडिमामुहपंकयनिहियनयणजुओ ॥ १२६ ॥ सव्वत्थ वि राग-दोसवज्जिओ परमतत्तलीणमणो । मुणिपुंगवोमुणियागमसवणसमुल्लसियसंवेगो ॥१२७।। पुव्वमहारसिमग्गो दूसमसमये वि सेविओ सम्मं । तेरसदिणावसाणे पत्तो तियसालयं सूरी ॥१२८॥
For Private & Personal Use Only
२५७
5
10
15
20
25
www.jainelibrary.org
