________________
___ २५३
२५३
कुमारपालप्रतिबोधसक्षेपः
रज्जम्मि परिटुविओ कुमारवालो पहाणपुरिसेहिं । तत्तो भुवणमसेसं परिओसपरं व संजायं ॥६२।। तुट्ठहारदंतुरियघरंगण नच्चियचारुविलासपणंगण । निब्भरसद्दभरियभुवणंतर वज्जियमंगलतूरनिरंतर ॥६३।। साहियदिसाचउक्को चउव्विहोवायधरियचउवन्नो । चउवग्गसेवणपरो कुमरनरिंदो कुणइ रज्जं ॥६४।।
5
६६५. कुमारपालस्य धर्मस्वरूपजिज्ञासा ।
अह अन्नया वियड्डे बहुणो बहुधम्मसत्थनाणड्ढे । विप्पपहाणे हक्कारिऊण रन्ना भणियमेवं ॥६५।। करि-तुरय-रहसमिद्धं नरिंदसिरिकुसुमलीढपयवीढं । लंघियवसणसहस्सो संपत्तो जं अहं रज्जं ॥६६॥ तं पुव्वभवे धम्मो सुहेक्कहेऊ कओ मए को वि । कज्जस्स दंसणाओ जाणंति हि कारणं निउणा ॥६७।। ता धम्मस्स सरूवं कहेहि परिभाविऊण सत्थत्थं । जेण तमायारिऊणं करेमि मणुयत्तणं सहलं ॥६८।। मणुयत्तणे वि लद्धे कुणंति धम्मं न जे विमूढमणा । ते रोहणं पि पत्ता महग्घरयणं न गिण्हंति ॥६९॥ तो वुड्डबंभणेहिं निवस्स वेयाइसत्थपन्नत्तो । पसुवहपहाणजागाइलक्खणो अक्खिओ धम्मो ॥७०।। तं सोऊण निवेणं फुरियविवेएण चिंतियं चित्ते । अहह दियपुंगवेहिं न सोहणो साहिओ धम्मो ॥७१।। पंचिंदियजीववहो निक्करुणमणेहिं कीरए जत्थ । जइ सो वि होज्ज धम्मो नत्थि अहम्मो तओ को वि ॥७२॥ ता धम्मस्स सरूवं जहट्ठियं किं इमे न जाणंति ? । किं वा जाणंता वि हु मं विप्पा विप्पयारंति ॥७३॥ इय चिंताए निदं अलहंतो निसिभरम्मि नरनाहो । नमिऊण अमच्चेणं बाहडदेवेण विन्नत्तो ।।७४।।
25
Jain Education International
For Private & Personal Use Only
www.jainelibrary.org
