________________
२५२
कुमारपालचरित्रसङ्ग्रहः तत्तो दुल्लहराओ राया समरंगणम्मि जस्स करे । करवालो छज्जइ जयसिरीइ मयणाहितिलओ व्व ॥४९।। तत्तो भीमनरिंदो भीमो व्व पयंडबाहुबलभीमो । अरिचक्कं अक्कमिउं पायडिओ जेण पंडुजसो ॥५०॥ तो कण्णदेवनिवई जस्सासिजलंमि विलसिया सुइरं । जसरायहंससहिया जयलच्छी रायहंसी व्व ॥५१॥ तयणु जयसिंहदेवो पयंडभुयदंडमंडवे जस्स । कित्तिपयावमिसेणं चिरकालं कीलियं मिहुणं ॥५२।। तम्मि गए सुरलोयं काउं व सुरेसरेण सह मित्तिं । कमलवणं व दिणिंदे अत्थमिए मउलियं भुवणं ॥५३॥ तत्तो पहाणपुरिसा नियमइमाहप्पविजियसुरगुरुणो । रज्जमणाहं दटुं जपंति परुप्परं एवं ॥५४।।
10
15
६६४. कुमारपालवंशवर्णनम् ।
आसि सिरिभीमदेवस्स नंदणो जणियजणमणाणंदो । कयसयलखोणिखेमो नामेणं खेमराऔत्ति ॥५५।। तस्स तणओ तिणीकयकंदप्पो देहसुंदरत्तेण । देवप्पसायनामो देवपसायणपहाणमणो ॥५६।। तस्संगरुहो गरुओ पररमणिपरंमुहो महासूरो । तियससरिसरिसकित्ती तिहुयणपालो त्ति नामेण ॥५७|| तस्स सुओ तेयस्सी पसन्नवयणो सुरिंदसमरूवो । देवगुरुपूयणपरो परोवयारुज्जओ धीरो ॥५८॥ दक्खो दक्खिन्ननिही नयवंतो सव्वसत्तसंजुत्तो । सूरो चाई पडिवन्नवच्छलो कुमरवालो त्ति ॥५९।। एसो जुग्गो रञ्जस्स रञ्जलक्खणसणाहसव्वंगो । ता झत्ति ठविज्जउ निग्गुणेहिं पज्जत्तमन्नेहिं ॥६०॥ एवं परुप्परं मंतिऊण तह गिहिऊण संवायं । सामुद्दिय-मोहुत्तिय-साउणिय-नेमित्तियनराणं ॥६१॥
20
25
Jain Educatiori International
For Private & Personal Use Only
www.jainelibrary.org
