________________
शतार्थिकविसोमप्रभाचार्यकृत
कुमारपालप्रतिबोधनामकबृहत्प्राकृतग्रन्थस्य ऐतिह्यसारात्मकः सक्षेपः ।
प्रथमः प्रस्तावः ।
88१. ग्रन्थकारकृता प्रस्तावना ।
चउसु दिसासु पसरियं मोहबलं निज्जिउं पयट्टो व्व । पयडियधम्मचउक्को चउदेहो जयइ जिणनाहो ॥१॥ तं नमह रिसहनाहं नाणनिहाणस्स जस्स अंसेसु । अलिकसिणो केसभरो रेहइ रुक्खे भुयंगो व्व ॥२॥ तं सरह संतिनाहं पवन्नचरणं पि जं चरणलग्गा । तियसकयकणयपंकयमिसेण सेवंति नव निहिणो ॥३॥ कज्जलसमाणवन्नं सिवंगभूयं निसिद्धमयमारं । परिहरियरायमइयं दुहा नमसामि नेमिजिणं ॥४॥ मज्झ पसीयउ पासो पासे जस्सोरगिंदफणमणिणो । दिप्पंति सत्तदीव व्व सत्त तत्ताई पायडिउं ।।५।। सो जयइ महावीरो सरीरदुग्गाओ भावरिउवग्गो । चिरमन्नपाणरोहं काउं निव्वासिओ जेण ॥६॥ वित्थारियपरमत्थं अणग्घरयणासयं सुवन्नपयं । दोगच्चदलणनिउणं नमह निहाणं व जिणवयणं ॥७॥ जेसिं तुढेि लट्ठि व लहिउ मंदो वि अखलियपएहिं । विसमे वि कव्वमग्गे संचरइ जयंतु ते गुरुणो ॥८॥
10
15
Jain Education International
For Private & Personal Use Only
www.jainelibrary.org :
