________________
२४९
5
10
कुमारपालप्रतिबोधसक्षेपः
कइणो जयंतु ते जलहिणो व्व उवजीविऊण जाण पयं । अन्ने वि घणा भुवणे कुणंति धन्नाण उक्करिसं ॥९।। जलहिजलगलियरयणं व दुल्लहं माणुसत्तणं लहिउं । जिणधम्मम्मि पयत्तो कायव्वो बुद्धिमंतेण ॥१०॥ सग्गो ताण घरंगणं सहयरा सव्वा सुहा संपया । सोहग्गाइगुणावली विरयए सव्वंगमालिंगणं ॥११।। संसारो न दुरुत्तरो सिवसुहं पत्तं करंभोरुहे । जे सम्मं जिणधम्मकम्मकरणे वटुंति उद्धारया ॥१२॥ सप्पुरिसचरित्ताणं सरणेण पयंपणेण सवणेण । अणुमोयणेण य फुडं जिणधम्मो लहइ उक्करिसं ॥१३॥ पुव्वं जिणा गणहरा चउदस-दसपुव्विणो चरिमतणुणो । चारित्तधरा बहवो जाया अन्ने वि सप्पुरिसा ॥१४।। तह भरहेसर-सेणिय-संपइनिवपभिइणो समुप्पन्ना । पवयणपभावणागुणनिहिणो गिहिणो वि सप्पुरिसा ।।१५।। तेसिं नामग्गहणं पि जणइ जंतूण पुन्नपब्भारं । सग्गापवग्गसुहसंपयाउ संपाडइ कमेणं ॥१६॥ संपइ पुण सप्पुरिसो एक्को सिरिहेमचंदमुणिणाहो । फुरियं दूसमसमए वि जस्स लोउत्तरं चरियं ।।१७।। दुइओ य दलियरिउचक्कविक्कमो कुमरवालभूपालो । जेण दढं पडिवन्नो जिणधम्मो दूसमाए वि ॥१८॥ केवलनाणपलोइअतइलोक्काणं जिणाण वयणेहिं । पुव्वनिवा पडिबुद्धा जिणधम्मे जं न तं चुज्जं ॥१९॥ चुज्जमिणं जं राया कुमारवालो परूढमिच्छत्तो । छउमत्थेण वि पहुणा जिणधम्मपरायणो विहिओ ।।२०।। तुलियतवणिज्जकंती सयवत्तसवत्तनयणरमणिज्जा । पल्लवियलोयलोयणहरिसप्पसरा सरीरसिरी ॥२१।। आबालत्तणओ वि हु चारित्तं जणियजणचमक्कारं । बावीसपरीसहसहणदुद्धरं तिव्वतवपवरं ॥२२॥
15
20
25
Jain Education International
For Private & Personal Use Only
www.jainelibrary.org
