________________
अणुमाण हेउ-दिट्ठत, साहिया वयविवाग परिणामा ।
हियनिस्सेयसफलवई, बुद्धी परिणामिया नाम ॥७॥ १ अभए २ सिट्ठि ३ कुमारे, ४ देवी ५ उ दिनोदए हवइ राया। साहू य नंदिसेणे ६, ७ धणदत्ते ८ सावग ६ अमच्चे ॥७६।।
१० खमए ११ अमच्चपुत्ते, १२ चाणक्के १३ चेव थूलभद्दे य ।
नासिक्कसुदरिनंदे, १४ वइरे १५ परिणामिया बुद्धी ॥८॥ १६ चलणाहण १७ प्रामंड़े, १८ मणी १६ य सप्पे २० य खग्गि २१ थूभिदे । परिणामियबुद्धीए, एवमाई उदाहरणा 11८१॥
से तं अस्सुयनिस्सियं । ...
से किं तं सूयनिस्सिय ? सुयनिस्सिय चउब्विह पण्णत्तं, तंजहा१ उग्गहे २ ईहा ३ अवाप्रो ४ धारणा ।।सूत्र २६॥ .
से किं तं उग्गहे ? उग्गहे दुविहे पण्णत्ते, तंजहा-अत्थुग्गहे य वंजणुग्गहे य ।।सूत्र २७॥
से किं तं वंजणुग्गहे ? वंजणुग्गहे चउविहे पण्णत्ते, तंजहा-सोइंदियवंजणुग्गहे, घाणिदियवंजणुग्गहे, जिभिंदियवंजणुग्गहे, फासिदियवंजणुग्गहे, से तं वंजणुग्गहे ॥सूत्र २८॥
से किं तं अत्थुग्गहे ? अत्थुग्गहे छव्विहे पण्णत्ते, तंजहा-सोइंदियनत्थुग्गहे, चक्खि दिय अत्थुग्गहे, घाणिदिय अत्थुम्गहे, जिभिंदिय अत्थुग्गहे, फासिंदियअत्युग्गहे, नोइंदियअत्थुग्गहे ।सूत्र २६।।
तस्स णं इमे एगढिया नाणाघोसा, नाणावंजणा पंच नामधिज्जा भवंति, तंजहा-अोगेण्हणया, उवधारणया, सवणया, अवलंबणया, मेहा । से तं उग्गहे ॥सूत्र ३० ॥
से किं तं ईहा ? ईहा छबिहा पण्णत्ता, तंजहा-सोइंदियईहा, चक्खिंदियईहा, घाणिदियईहा, जिभिंदियईहा, फासिंदियईहा, नोइंदियईहा। तीसे णं इमे एगट्ठिया नाणाघोसा, नाणावंजणा. पंच नामधिज्जा भवंति, तंजहाआभोगणया, मग्गणया, गवेसणया चिंता, वीमंसा, से तं ईहा ।।सूत्र ३१॥
