Page Text
________________
संवेगरंगशाला श्लोक नं. ५७६-६१२
आराधनास्वरूपम्-सामान्यआराधना स्वरूपम् - दर्शनसामान्याराधना - चारित्रस्य सामान्याराधना |न हु कल्लाणपरंपर-परंमुहाणं कयाइ पुरिसाण । जायइ सुदिट्ठपरमत्थ-पेहणुप्पेहणा बुद्धी
॥७९॥ ता निरुवमधम्माऽऽधार-धरियदुद्धरपगिट्ठतवभार! । महसेणमहामुणि! सिस्स-माणमेयं निसामेसु
૮૦ इय एसा जह रन्ना, महसेणेणं पवन्नदिक्नेणं । जइगिहिविसया पुट्ठ ति, जं पुरा भणिय वुत्तं तं ॥८१॥ हुणा सिट्ठा जह गोयमेण, महसेणमुणिवरिट्ठस्स । आराहणा तहाऽहं, जहासुयं तं निदंसेमि
રા आराहणेह सिवपुर-परमपहो पहयरागदोसेहिं । अणुवकयपराणुग्गह-परेहिं भणिया जिणिंदेहिं
॥८३॥ सा य महाजलजलनिहि-निहित्तरयणं व कहवि तुडिजोगा । ववहारनयमएण वि, कहं पि जइ लब्भइ जिएहिं॥८४॥ ता तीए उत्तरोत्तर-पगिट्ठयारोहणेण पइसमयं । अप्पा विसिट्ठकिच्चेसु, निच्चसो संठयेयव्यो
॥८५॥ एवं च इमं मणुयत्तणं पि, विहलं न होड़ संपत्तं । जिणसमयपसिद्धक्कम- 'कमढस्स व दंसणं ससिणो ॥८६॥ क्यमेत्थ पसंगेणं, नाणस्स य दंसणस्स चरणस्स । तवसो य णिरइयारं, कीरइ आराहणं जीए ટળી
“आराधना स्वरूपम् एवं ज्ञानस्य सामान्याराधना" - सा चउरोधा आराहणेह, भण्णइ इमा य दुविगप्पा । सामन्नविसेसवसा, तत्थ य सामन्नओ भणिमो ॥८॥ जो जत्थ सए पढणाइ- अवसरो तस्स तत्थ चेव सया । विणएण सबहमाणं, उवहाणपुरस्सरं तह य ॥८९॥ जं जतो य अहीयं, तस्स तओ धुवमनिण्हवणपुव्वं । सुत्तत्थतदुभयाणं, अणन्नहाकरणओ तह य ॥९०॥ जा सुठठु वायणा पुच्छ-णा य परियट्टणा पवणया । तस्सेव य परमेगग्ग-याए अणुपेहणा जा य ९१॥ जा उ य दिया राओ य, वा वि एगस्स परिसुवगयस्स । अह सुहपसुत्तगस्स य, जागरमाणस्स अहवा वि ॥९२॥ उद्धट्ठियस्स अहवा, अह व निसन्नस्स अह निवन्नस्स । कत्थइ थिरस्स चलिरस्स, या वि अह खलियपडियस्स॥९३॥ सुत्थस्स दुत्थियस्स् य, सवसस्स परव्यसस्स य तहेव । छीए य वियंभणे खास-णेय, अहवा वि किं बहुणा ॥९४॥ जह वा तह वा परिसंठियस्स, अणुवरयचित्तवित्तिस्स । तग्गहणधारणापार-तंतवित्तीउ तत्तेण
॥९५॥ सम्मन्नाणगुणड्ढेसु, पुरिसरयणेसु जं च निच्चं पि । भत्तिबहुमाणकरणं, सन्नाणाराहणा एसा
॥९६॥ “दर्शनसामान्याराधना" - जा पुण सरुवगुविलत्तणेण, दुक्खोयलक्षणिज्जेसु । जीवाजीवप्पमुहेसु, सव्वसत्भूयभावेसु
॥९७॥ अणुवकयपराणुग्गह-परपरमेसरजिणप्पणीयत्ता । कहवि अबोहे वि परं, भवियव्वमिमेहिमिय भावा ॥९८॥ निस्संसयपडिवत्ती, निच्चं चिय जं च कुच्छियमयं पि । एयं पि इयगुणेणं, सुमयं ति न कंनकारितं ॥१९॥ विहियाणुट्ठाणफलंमि, तह य जं संसयस्स परिहरणं । जल्लमलाविलगत्तेसु, जईसु न दुगंछणं जं च ॥६००॥ जो य कुतित्थियअइसय-दसणाउ न विम्हओ जा य । धम्मियगुणोववूहा, जं गुणदुत्थे य थिरिकरणं ॥१॥ जं च तहाविहसाहम्मिएसु, वच्छल्लमिह जहाथामं । अरिहप्पणीयपवयण-पभावणं जं च बहुभेयं ॥२॥ इणमेव य णिग्गंथं, पवयणमट्ठो अयं खु परमट्ठो । सेसो हु पुणो अणट्ठोति, भावणा जा य भावेण ॥३॥ निम्मलसम्मत्तगुणड्ढ-पुरिसरयणेसु, जं च निच्चं पि । भत्तिबहुमाणकरणं, दंसणआराहणा सा उ
૪ "चारित्रस्य सामान्याराधना" - तह जा असेससावज्ज-जोगपरिवज्जणेण सुपवित्ती । पंचसु महव्वयेसु, दसप्पयारे य जइधम्मे
॥५॥ पडिलेहणा-पमज्जण-पमुहाए चक्कवालरूवाए दसभेयाए तह जा, जइसामायारीए आसेवा
॥६॥ अहवादसविहवेयावच्चे, नवसु य तह बंभचेरगुतीसु । जा पिण्डविसुद्धीए, गुत्तितिगे समिइपणगे य
॥७॥ दव्यं खेत्तं कालं, भावं याऽऽसज्जऽभिग्गहग्गहणे । इंदियदमणे कोहाइ-निग्गहे जा य पडिवत्ती ॥८॥ जमणिच्चयाइविसए, दुवालसण्हमह पंचवीसाए । पंचमहव्ययविसयंमि, भावणं भावणाण सया जं च विसेसाभिग्गह-गहणसरुवाण भिक्खुपडिमाण । सम्मं दुवालसण्हं पि, पालणं जा य सामइए ॥१०॥ छेयोवट्ठावणिए, परिहारविसुद्धिए य चरणमि । जा सुहुमसंपराए, पडिवत्ती तह अहक्खाए
॥११॥ सच्चरणरयणपडिपुन्न-पुरिससीहेसु जं च निच्वं पि । भत्तिबहुमाणकरणं, सा चरणाराहणा भणिया ॥१२॥ 1. कच्छपस्य ।
18
| SR No. | 002420 |
| Book Title | Samveg Rangshala |
| Original Sutra Author | N/A |
| Author | Jayanandvijay |
| Publisher | Lehar Kundan Group |
| Publication Year | |
| Total Pages | 308 |
| Language | Sanskrit |
| Classification | Book_Devnagari |
| File Size | 15 MB |