________________
चिकित्साकलिका। पूर्वमुक्तमुद्दिश्यते तदनु पथ्यमिति। तच पथ्यमोदनमांसरसशाकादिकमनेकप्रकारमाह
पथ्यैः पुराणसितषष्टिकरक्तशालिमृद्वोदनैः सघृतमुद्गमसूरस्पैः। गोधूममण्डकयुतैर्यवसक्तभिश्च साजाजिसैन्धवघृतैरथतक्रयुक्तैः ॥ ९१ ॥ लावणतित्तिरिकपिञ्जलकेकिकूर्मगोधाशशक्रकरमांसरसैः समांसः । सस्वादुदाडिमरसैः पिशितश्प्रलेहैदुग्धैः शृतैरपि च शर्करया समेतैः ॥ ९२ ॥ शाकैः कलायलघुमूलकतन्दुलीयचिल्लीपटोलदलवास्तुककासमर्दैः । वार्ताकपुष्पफलशाककृतैः प्रकारै
रेभिः कृतैरिति नृणां न भवन्ति रोगाः ॥९३ ॥ एभिः पूर्वोक्तैः प्रकारैः कृतैर्नृणां रोगा न भवन्ति । सितषष्टिकश्च रक्तशालिश्च सितषष्टिकरक्तशाली। पुराणौ च तौ सितषष्टिकरक्तशाली च पुराणसितषष्टिकरक्तशाली, तयोर्मुद्वोदनानि पुराणसितरक्तशालि. मृद्धोदनानि तैः। मुद्गश्च मसूरश्च मुद्गमसूरी तयोः सूपैर्मुद्गमसूरसूपैः । घृतं च मुद्गमसूरसूपौ च घृतमुद्गमसूरसूपौ,. ताभ्यां सह वर्तते यान्योद नानि तानि सघृतमुद्गमसूरसूपानि, तैः। गोधूममण्डकयुतैः गोधूमानां मण्डकाः गोधूममण्डकाः, तैर्युतानि पथ्यानि । अतस्तैर्गोधूममण्डकयुतैः, यवसक्तभिश्च पथ्यैः। सजाजिसैन्धवघृतैः। अजाजी जीरकम् । सैन्धवं
* स्थूलानि मांसखण्डानि क्षालितानि च वारिणा । तप्तस्नेहे विनिक्षिप्य दा सञ्चालयन् पचेत् ॥ ततस्तत्र विनिक्षिप्य लवणं जलमल्पकम् । पचेत्पटपटाशब्दं तस्मिन्मांसे प्रकुर्वति । प्रक्षिपेद्दाडिमीनीरं बहु तेन पचेत्पुनः॥ मांसपिण्डेषु सिद्धेषु देया शुण्ठी सजीरका । तत उत्तार्य तन्मांसं पृथक् कुर्यात्प्रलेहतः ॥ प्रलेहं वाससा पूर्त स्थापयेदन्यभाजने। हिङ्गुना घृतयुक्तेन धूपं तत्रैव दापयेत् ॥ इति क्षेमकुतूहले ।
