Page Text
________________
[विभक्त्यर्थाः ]
टीकाद्वयोपेता ।
( २३१)
(स्वाम्यादियोगे षष्ठी सप्तम्यौ ) गवां गोषु वा स्वामी अधिपतिः ईश्वरः दायादः प्रसूतः प्रतिभूर्वा ॥
(सुबोधिनी ) - स्वाम्यादियोगे षष्ठीसप्तम्यौ ॥ स्वामीश्वराधिपतिदायाद - साक्षिप्रतिभूप्रसूतैर्योगे षष्ठीसप्तम्यौ स्तः ॥ षष्ठीप्राप्तौ पाक्षिकसप्तम्यर्थं वचनम् ॥ "दायादौ सुतबान्धवो" इत्यमरः ॥ गोषु प्रसूतः । गा एवानुभवितुं जात इत्यर्थः ॥ प्रतिभूः साक्षी ॥
( तत्त्वदी ० ) - प्रसून इति । गा एवानुभवितुं जात इत्यर्थः ॥
( अनादराधिक्ये क्रियालक्षणे षष्ठीसप्तम्यौ ) रुदति रुदतो वा प्रात्राजीत ॥
( सुबोधिनी) - अनादराधिक्ये क्रियालक्षणे षष्ठीसम्यौ ॥ केवलभावलक्षणे सप्तम्येव अनादराधिक्ये तु षष्ठो सप्तम्यौ स्तः । रुदति रुदतो वा मैत्रः प्रात्राजीत् । रुदन्तं पुत्रादिकमनादृत्य संन्यस्तवानित्यर्थः ॥
( तत्त्वदी ० ) - रुदतीति ॥ रुदन्तं पुत्रादिकमनादृत्य संभ्यस्तवानित्यर्थः ॥
( आयुक्त कुशलाभ्यां योगे षष्ठीसप्तम्यौ तात्पर्ये ) आयुक्तः कुशलो वा हरिपूजनस्य हरिपूजने वा ॥
( सुबोधिनी ) - आयुक्त कुशलाभ्यां योगे षष्ठीसप्तम्यौ तात्पयै ॥ तत्परस्य भावः तात्पर्यं तस्मिन् तात्पर्येऽर्थे आभ्यां योगे षष्ठीसप्तम्यौ स्तः ॥ हरिपूजने हरिपूजनस्य वा आयुक्तः व्यापारित इत्यर्थः ॥ तात्पर्ये किम् | आयुक्तो गौः शकटे । ईषयुक्त इत्यर्थः ॥
( साधुनिपुणाभ्यां पूजायां सप्तमी ) मातरि साधुर्निपुणो वा ॥ (सुबोधिनी ) - साधुनिपुणाभ्यां पूजायां सप्तमी || 'पुण कर्मणि शुभे' निपूकादस्मान्नाम्युपधादिति कः । निपुणः । साधुशब्दप्रयोगे तु पूजां विना साध्वसाधुप्रयोगे सप्तमी भवत्येव । पूजायामाभ्यां योगे सप्तमी स्यात् ॥ पूजायां किम् । निपुणो राज्ञो भृत्यः । इह तत्त्वकथने तात्पर्यम् ॥ प्रतिपर्यनुयोगे न सप्तमी ॥ साधुनिपुणो वा मातरं प्रति पर्यनु वा ॥
( प्रसितोत्सुकाभ्यां योगे तृतीयासप्तम्यौ ) प्रसित उत्सुको वा हरिणा हरौ वा ॥
| SR No. | 002369 |
| Book Title | Siddhant Chandrika Purvarddham |
| Original Sutra Author | N/A |
| Author | Ramsharma Pandit |
| Publisher | Kshemraj Krishnadas |
| Publication Year | 1800 |
| Total Pages | 372 |
| Language | Sanskrit |
| Classification | Book_Devnagari |
| File Size | 12 MB |