Page Text
________________
३२
प्रभावकचरिते
रूपं राढा(?)धनं तेजः सौभाग्यं प्रभविष्णुता । प्रभावात्पैतृकादेव नारीणां जायते ध्रुवम् ॥ १४ ॥ ततस्तद्वचनैर्द्वना विनीतानां शिरोमणिः । साहोरात्रं भजेत्कार्य कर्मोपालम्भतत्परा ॥ १५ ॥ अन्येद्युः साथ भोगीन्द्रस्वप्नसंसूचितं तदा । उवाह रत्नगर्भेव रत्नं गर्भं शुभाद्भुतम् ॥ १६॥ तृतीये मासि पूर्णे च दोहदं द्रोहदं द्विषाम् । बभार सा रसत्वाढ्या दृढं पायसभोजने ॥ १७ ॥ अथार्यनन्दिलः सूरिरुद्याने समवासरत् । साधुवृन्दवृतः सार्द्धनवपूर्वधरः प्रभुः ॥ १८ ॥ तस्यामापन्नसत्वायामपि श्वश्रूरदक्षिणा । वदन्ती कद्रदा यत्किचिदपि प्रतिकूलति ॥ १९ ॥ अस्याः कथं सुतो भावी निर्भाग्यैकशिरोमणेः । सुतैव भाविनी निष्पित्र्या या दारिद्र्यदीर्घिका ॥ २० ॥ इत्थं दुर्वचनैर्दूना साथ प्रभुपदान्तिकम् । आयाद्विमृष्य यच्चैत्यगृहं पितृगृहं न तु ॥ २१ ॥ अभिवन्द्याथ सावादीदुदश्रुः प्राग्भवे मया ।
प्रभो विराधिताम्बा किं यन्मेय्यति विरोधिनी ॥ २२ ॥ प्रभुराह पुराकर्मकृते दुःखसुखे जने ।
तत् किमन्यस्य दोषो हि दीयतेऽत्र विवेकिभिः ॥ २३ ॥ मानुषे दुर्लभे लब्धे सुखदा श्लाघ्यते क्षमा । यदस्यामादृतायां ते सर्व भावि शुभं शनैः ॥ २४ ॥ ज्ञानाज्ज्ञातो मया वत्से दोहदस्तव पायसे । अवतीर्णः ः स पुण्येन सोपि संपूरयिष्यते ॥ २५ ॥ इति वागमृतैस्तस्याविध्यायन्मन्युपावकः (१) । शीतीभूता ययौ गेहे स्मरन्ती तद्वचो हृदि ॥ २६ ॥ पुण्डरीक तपश्चैत्र पौर्णि (र्ण) मास्यामुपोषिता । व्यधात्पद्मयशास्तस्योद्यापनं च प्रचक्रमे ॥ २७ ॥ तद्दिने पायसापूर्णः प्रदीयेत पतग्रहः । गुरूणां समधर्माणां वात्सल्यं क्रियतेऽथ सा ॥ २८ ॥ तस्मिन्कृते समस्तेऽपि कदर्यानं ददे तदा । श्वश्र्वावज्ञावशाद्वध्वा धिग्दर्पं गुणदूषकम् ॥ २९ ॥
१J H - प्रतिगृहं नतु २ J & H - मय्यपि ४P - मन्युपावका. ५J H - पयसा पूर्णः .
३ P - अवतीर्णनृपुण्येन.
J H - समस्तोपि.
| SR No. | 002357 |
| Book Title | Prabhavak Charitam |
| Original Sutra Author | N/A |
| Author | Hiranand M Sharmshastri |
| Publisher | Tukaram Javaji |
| Publication Year | 1909 |
| Total Pages | 358 |
| Language | Sanskrit, Hindi |
| Classification | Book_Devnagari |
| File Size | 22 MB |