________________
- विजयप्रशस्त्यीम् ।
आमोददायिनीं पूज्यपूज्यपादद्वयीं पथि । सङ्घोऽनघमना भेजे षट्पदः पद्मिनीमिव ॥ ५५ ॥ अनघमनाः स सङ्घः षट्पदो भ्रमरः, पद्मिनीं यथा, तथा पूज्यस्य पूजनाईस्य पूज्यस्य गुरोः पादद्वयीं, किं०, आमोददायिनीं हर्षदायिनीं, पक्षे गन्धदायिनीं, पथि मार्गे, भेजेऽभजत् ॥५५॥
६७२
अग्रेसरेण गुरुणा गुरुणा ब्रह्मचारिणा । देवसेनेव सा रेजे सङ्घलोकपरम्परा ॥ ५६ ॥
गुरुणा महता धर्मदेशिना वा, गुरुणा श्रीसूरिणा किं०, ब्रह्मचारिणा शीलशालिना, पक्षे ब्रह्मचारिणा कार्तिकेयेन, अग्रेसरेण अग्रगामिना सता 'देवसेनेन्द्रकन्यायां सैन्ये दिविषदामपि" इति श्रीमाचार्यवचनात् यथा देवसेनानाम्नी इन्द्रकन्या का र्तिकेयेन शुशुभे, एतदर्थानुवादिकालिदास महाकविवचो यथा “ अथोपयन्त्रा सदृशेन युक्तां स्कन्देन साक्षादिव देवसेनाम्' इत्यादि, अथवा देवसेना सुरसेनाऽपि, यथा तेनाग्रेसरेण सेनान्या शुशुभे तथा सा सङ्घलोकपरम्परा पुरोविहारिणा गुरुणा रेजे इति ॥ ५६ ॥
99
सङ्खेन सार्धमद्वैत हर्षेणर्षिसुरर्षभः ।
जीर्णदुर्गमगात् तत्र राजा खुरमनामकः ॥ ५७ ॥
अद्वैतहर्षेण हर्षाद्वितीयेन, सङ्केन द्वीपवासिना, सार्धं स ऋषिसुरर्षभः मुनिपुरन्दरः, जीर्णदुर्गे गिरिनारगिरितलहट्टिकालङ्कारं, पुरा श्री ऋषभदेवसूनुना भरतानुजन्मना सुराष्ट्रकुमारेण स्थापितम्, अगात् प्राप्त इति, तत्र दुर्गे खुरमनामा राजा श्रीअकव्वर पातिशाहिपर ममान्योम्बरामुख्य श्री आजमखाननन्दनस्तदानीं सौराष्ट्रराष्ट्राधिपत्येनाऽस्तीति शेषः ॥ ५७ ॥
