________________
एकोनविंशः सर्गः ।
६३३
आमन्त्रिता नैकलोका अनेकजना यस्यां यया वा सा, पुनः किं०, पूगीफलानां श्रीफलानां च पेशलश्रियो मनोज्ञशोभायाः प्रभावनास्ताभिर्ध्वस्तः समस्तः शोको यस्यां यया वा सा ॥६॥ श्रीमूरिसिंहैः प्रतिष्ठा विदधे चक्रे इत्यन्वयः किं०, तद्वासिना तत्रवास्तव्येन, पुनः, शोभनवासनेन भव्यभावनेन, केनेत्याह- वासणझोटकेन श्रद्धालुना बासणझोटाख्यश्रावण, विधीयमानं उरु महद् व्याख्यातस्वरूपं यन्मह उत्सवस्तेन प्रकृष्टा उत्कृष्टेत्यर्थः । इति षण्णां व्याख्या ॥ ७ ॥
तत्र प्रतिष्ठामहसि प्रभावानिवाऽऽबभासे शमिभुमिभर्ता ।
कुदृग्दृशां कौशिककामिनीनां घनार्तिकर्ता तमसां प्रहर्ता ॥ ८ ॥
शमिनां साधूनां भूमिभर्ता राड् मुनिराजः, तत्र प्रतिष्ठामहसि तस्मिन् प्रतिष्ठोत्सवे, प्रभावानिव सूर्य इव, आवभासेऽशोभतेत्यन्वयः ; विशेषणद्वयेन गुरुं च सूर्य च विशिनष्टि - किं०, कुदृग्दृशां कौशिककामिनीनां मिथ्यादृग्दृष्टिघूकाङ्गनानां घनार्तिकर्ता बढर्तिकारीति, पुनः किं० तमसां पापानाम्, अन्यत्र ध्वान्तानां च महर्ताऽपहारी चेति ॥ ८ ॥
तत्रोत्सवे श्रावकलोकवृन्दै - रभ्यर्चिता भासुररूप्यरूपैः ।
विभुर्विभूषां बिभरांबभूव
सूरिः सुराणामिव कल्पपुष्पैः ॥ ९ ॥ सत्र प्रतिष्ठाणे श्रावकलोकवृन्दैः भासुररूप्यस्य कलधौतस्य रूपैर्नाणकैः, अभ्यर्चितः पूजितः, विभ्रुर्गुरुः, विभूषां
८१
