________________
६३२
विजयप्रशस्त्याम् ।
विधीयमानोरुमहःप्रकृष्टा
श्रीसूरिसिंहैर्विदधे प्रतिष्ठा ॥ ७ ॥ - सा प्रतिष्ठा कि०, क्षीरार्णवस्य क्षीरसमुद्रस्य ये उत्तुङ्गास्तरङ्गास्तद्वद् रङ्गन्ती लसन्ती या दुकूलानां पट्टकूलानां सूक्ष्मवाससां वा माला श्रेणिस्तया कलितैः, पुनरनेकैः, पुनः, श्रीमण्डितैः लक्ष्मीभूपितैः, पुनरखण्डितैः, पुनः, शरदभ्रवत् शुभ्रर्धवलैः, मण्डपैः उदञ्चिता उन्नति प्राप्ता ॥२॥ पुनः, प्रतिष्ठा किं०, पुण्याङ्गिनां पुण्यवतां प्राणिनां मङ्गलकारणानां कल्याणहेतूनां, स्थूणागणेषु स्तम्भसमूहेषु स्थापितानां तोरणानां श्रीधोरणीभिः स्तम्भस्थतोरणशोभाश्रेणिभिः, किं०, भृशम् अतिशयेन हारिणीभिः मनोहराभिः, पुनः, विस्मयकारिणीभिश्चमत्कारकारिणीभिः, विभूषिता विभ्राजितेति ॥ ३॥ पुनः किं०, कुनाभिकुम्भा निधिकुम्भा इवाचरिता आचारेऽर्थे उपमानाद् यप्रत्ययस्तेन कुनाभिकुम्भायिता ये पूर्णकुम्भा अखण्डकलसास्तल्लक्षणं यन्माङ्गल्यं मङ्गलवस्तु तेन चञ्चच्चतुरस्रिकाया लोके "चउरी" इति प्रतीताया अङ्को विभूषा यस्यां सा,पुनः किं०,कर्पूरो घनसारः काश्मीरजं कुङ्कुमं लोके "केसर" इति प्रतीतम् , गन्धसारश्चन्दनं लोके "सूखड" इति प्रतीतं तदादिभिरपरैरपि सुगन्धिद्रव्यैस्तुरुष्ककस्तूरिकाप्रमुखैर्निर्मिताः शस्ता हस्ताः स्थासका लोके "हाथा" इति प्रतीता यस्यां सा ॥४॥ पुनः कि०, वित्तव्ययेन प्रीणितैर्मार्गणौधैर्याचकनिकरैः प्रवर्तितानि अद्भुतान्याश्चर्यकारीणि, गीतगानानि यस्यां सा, पुनः किं०, शृङ्गारस्य प्रथमरसस्य भृङ्गारो भाजनं शृङ्गारपात्रमिति याः कुलाङ्गनास्ताभिजेगीयमाना अतिशयेन गीयमाना अतुला मङ्गलालिर्यस्यां सा ॥ ५॥ पुनः प्रतिष्ठा किं०, व्योमाङ्गणव्यापिना गगनस्पृशा निनादेन ध्वनिना वर्याणि यानि तूर्याणि तेषामारावैः शब्दैः
