________________
विजयाशस्त्याम् । श्रीजैनप्रतिमाः प्रभुः प्रतिपुरं साक्षादिव श्रीजिना
नानम्य प्रभुपौरपूजितपदो देशाद् निवृत्तस्ततः ॥४८॥ ... अथ ततश्चलितः प्रभुर्भूयसां तीर्थानां नमस्यया खं जन्म फलमयं फलवत् कुर्वन् ; किं०,जन्मिप्रियः प्राणिवल्लभः, इलदुर्गनीकृति ईडरदेशे, महातीर्थानां गिरिशिरःस्थश्रीऋषभदेवादीनां आस्पदे, अगमत् । तत्र च प्रतिपुरं साक्षात् श्रीजिनानिव श्रीजैनप्रतिमा आनम्य, प्रभुः श्रीइलदुर्गराद् तेन, पौरैश्चामात्यादिभिः पूजितपदः सन् , ततो देशाद् निवृत्तो गूर्जरत्रासंमुखं चलितइति ॥ १८ ॥ तारङ्गादिषु पुण्यपोषिषु महातीर्थेषु तीर्थङ्करान् नला संघसखः क्रमाक्रमविदां मुख्यो महर्षीश्वरः । नीवृन्निर्जरगूर्जराख्यविषयालङ्कारहारीभवन् सिन्धुः सिन्धुमिवाऽपराङ्कमविशत् सौराष्ट्रराष्ट्रंक्रमात् ४९ __क्रमविदों कल्पविदां मुख्यः,स महर्षीश्वरः मूरिः, पुण्यपोपिषु तारङ्गादिषु महातीर्थेषु, तीर्थङ्करान् श्रीअजितनाथादीन् , नत्वा सङ्घसखः सन् , क्रमाद् नीवत्सु देशेषु निर्जरो देव इव निनिर्जरो यो गूर्जराख्यविषयस्तस्यालङ्काराय हारीभवन् गूर्जरमण्डलं पावयन् ,सौराष्ट्रनामानं राष्ट्र देशम् , अविशत् प्रविटवानिति, यथा सिन्धुनाम्नी नदी, अपराङ्क पश्चिमाभूषणं, सिन्धुं समुद्रं, विशति तथेत्यर्थः ॥ ४९ ॥ श्रीमत्सङ्घयुतेन तत्प्रथमतः श्रीभूरिणा सूरिणा . यात्रा सिद्धधराधरस्य विदधे तीर्थस्य तीर्थेशितुः। सूरिः सूरिजगद्गुरोः पदयुगन्यासश्रियाऽभ्युन्नते श्रीमत्युन्नतनामधेयनगरे गन्तुं प्रवृत्तस्ततः ॥ ५० ॥
