________________
अहम् अथ पञ्चदशः सर्गः।
अथ पञ्चदशः सर्गः प्रारभ्यतेअथ गुरुस्तपगच्छपरम्परा
पुटकिनीतुहिनेतरदीधितिः । विहरति स्म शुभेऽहनि पत्तना
दतमसं विदधद् वसुधामिमाम् ॥ १॥ अथ भट्टारकत्वमाप्तौ, गुरुः श्रीविजयसेनमुरिः, किं०, तपगच्छपरम्परैव पुटकिनी पद्मिनी तस्यां तुहिनेतरदीधितिरुष्णराश्मिः सूर्य इति यावत् , किं कुर्वन् , इमां वसुधां अतमसं सोद्योतां निष्पापां वा, विदधत् शुभेऽहनि पत्तनाद् विहरति स्मेत्यर्थः ॥१॥ अथ त्रिभिर्वृत्तैरर्थं समर्थयतिरय इव द्युसदां सरितो गवां
समुदयैः सुखिताखिलभूतलः । कृतमहाव्रतिचित्तसमुन्नतिः .. सुमनसां प्रचुरप्रमदैकभूः ॥ २ ॥ स विचरन् क्रमतो वसुधावधू
तिलकतुल्यमतुल्यमहोदयम् । क्षितिषु तीर्थमिति प्रिययाह्वया
प्रथितमुत्तमसंपदभङ्गुरम् ॥ ३ ॥
