________________
विजयप्रशस्त्याम् । यच्चैत्यसन्ततिमुदारतरप्रपञ्चा
निर्वर्ण्य विस्मयवती सृजतां दृशं स्वाम् । नन्दीश्वरत्रिदशवेश्मसुराद्रिमुख्य___प्रासाददर्शनरुचिः शिथिलीबभूव ॥३४॥ .
यच्चैत्यसन्ततिं यनगरवर्तिनी प्रासादपङ्क्तिम् । कीदृशीम् , उदारतरः प्रपञ्चो विस्तारो यस्यास्ताम् , निर्वर्ण्य दृष्ट्वा, विस्मयवतीम् अद्भुतधारिणीम् , स्वां दृशं निजां चक्षुषं, सृजतां कुर्वतां; द्रष्ट्रणामिति यावत् । नन्दीश्वरोऽष्टमद्वीपः, त्रिदशवेश्म स्वर्गः, सुराद्रिर्मेरुस्तत्पमुखाणां ये प्रासादाः देवगृहाणि, तदर्शनरुचिः तद्विलोकनस्पृहा, शिथिलीबभूव श्लथतां गतेत्यर्थः ॥३४॥
चैत्यानि यत्र पुरि लोकदृशां वितीर्ण
शैत्यानि वीक्ष्य परिपावितपाटकानि । तच्छिल्पिनां सकलपेशलकौशलेन
प्रीतो विनेयगतिमिच्छति विश्वकर्मा ॥३५॥ यत्र चैत्यानि । किं० लोकशां वितीर्णशैत्यानि । पुनः किं० परिपाविताः भृशं पविलिताः पाटकाः यस्तानि वीक्ष्य तच्छिल्पिनां तत्कर्तृणां, सकलं निखिलम् , पुनः पेशलं रम्य, यत्कौशलं दक्षत्वं, तेन पीतो दृष्टो, विश्वकर्मा त्वष्टा, विनेयगति शिष्यावस्थाम् , इच्छति वाञ्छतीत्यर्थः॥३५॥
यत्राशु गन्तुमनसामभिसारिकाणां
वर्त्म व्यनक्ति पतिधाम्न्युदयेऽब्जबन्धोः ।
