________________
२८
विजयपत्रस्त्याम् । पटले, शोभनानि पर्वाणि उत्सवाः तेषां पटलैः वृन्दै पो सुपर्वाणो देवास्तेषां पटलैरिति । पुनः किं० अतिरम्या भृशं मनोज्ञा नाना विविधा ये आरम्भा व्यापारास्तेषामास्पदम्, पक्षे अतिरम्या या नाना रम्भा देववध्वस्तासामास्पदम्। पुनः किं० वृषस्य धर्मस्य, विनोदेन विलासेन, वरम् ; पक्षे वृष्णः शक्रस्येति । शेषं सुगमम् । पुनः किं० महान्त आढ्या इभ्या यत्र तत् । पक्षे महेः तेजोभिराढ्यम् । तत्र नित्यायोतसद्भावादिति भावः ॥३०॥ माणिक्यमौक्तिकमहामणिमुख्यनाना
वस्तुप्रशस्ततमहट्टविराजमानाम् । भूयोदिगागतबहुव्यवहारिवर्या
यां कुत्रिकापणमिव प्रवदन्ति लोकाः ॥३१॥ यां नगरी, कुत्रिकापणमिव, लोकाः प्रवदन्तीत्यन्वयः । यां कि० माणिक्यानि वैडूर्यादीनि मौक्तिकानि मुक्ताफलानि, महामणयः चन्द्रकान्ताद्याः, तन्मुख्यैः तत्पमुखैः, नानावस्तुभिः, प्रशस्ततमा ये हट्टास्तैः विराजमानाम् । पुनः किं० भूयो दिग्भ्य आगता ये बहवो व्यवहारिणो व्यापारिणस्तैः वर्याम् । अनेन परदेशायातार्थिनां कल्पितार्थप्रापकत्वात् कुत्रिकापणोपमेति ॥३१॥ दृक्शैत्यचैत्यशिखरस्थमहाध्वजानां
छायाः क्षितौ प्रतिपदं पुरि यत्र भान्ति ।
