________________
विजयप्रशस्त्याम् ।
न कापि चिन्ता भवतामिहास्ति । प्रभुः स वः पट्टधरो मदीयो
महानुडूनामिव कौमुदीशः ॥ १८ ॥ इह सांप्रतीनसंयमाराधने, भवतां न कापि चिन्ताऽस्ति यतो भवतां किं०, अमुत्र भवान्तरनिमित्तं सर्वत्र विधेये हितानुष्ठानादावुद्यमो येषां तेषां, येन भवन्तो हितोद्यमिनस्तेन भवां न काप्यतिरस्ति, पुनरपि हितार्थकं वचनम्-यतः स मदीयः पट्टधरः श्रीविजयसेनमूरिः, वो युष्माकं, प्रभुरस्ति; इवेत्युपनये, यथा उडूनां नक्षत्राणां, कौमुदीशः प्रमुर्वतते तथा भवतामसौ महान् प्रभुरिति ॥ १८ ॥
भवद्भिराचार्य उदारधीर
स्ततोऽभिगम्योऽहमिवाभिरूपैः। अनुप्लवानामयमस्ति पन्था
निषेव्यते यत् तनयः पितेव ॥ १९ ॥ ततः कारणाद् भवद्भिः, किं०, अभिरूपैः पण्डितैः, उदारशासौ धीरश्चेत्युदारधीरः, आचार्योऽहमिव अभिगम्यः सेवनीयो यथाऽहं भवद्भिरभिगम्ये तथा मदाचार्योऽपि भवद्भिभिगम्यइति, यद् यतो हेतोः, अनुप्लवानां सेवकानां, अयं पन्था अस्ति यत्तनयः पुत्रः, पितेवाऽनुगम्यते निपेव्यते चेति ॥ १९ ॥ गुरोर्वचस्तच्छिरसा समस्तैः
प्रतिश्रुतं माल्यमिवेद्धवर्णम् । सुखं प्रसूते दिविषद्गवीव
प्रपालिताऽऽज्ञा प्रसभं प्रभूणाम् ॥ २० ॥
