________________
विजयप्रशस्त्याम् ।
४९०
संघेन सद्भक्ति सहस्रसंख्यैः। भट्टारकेन्द्रो विजहार हीरः ___ शत्रुञ्जयात् तीर्थवराव ततोऽथ ॥ १३ ॥ भट्टारकेन्द्रो हीरः श्रीहीरसूरिः, कि०, श्रीसंघेन सहस्रसंख्यैः सौवर्णटङ्कादिभिः आदिशब्दाद् मालवदेशसंघेन महााभरणैर्नवाङ्गेषु सद्भक्तिर्यथा स्यात् तथाऽर्चितः पूजितः, सति समये ततः श्रीशत्रुञ्जयात् तीर्थवरात्, विजहार विहारं कृतवानित्यर्थः ॥ १३ ॥ विहृत्य का दिशं पवित्रयामासेत्याहमत्वा प्रभूताग्रहमुन्नताह. द्रङ्गस्थसंघस्य सदाऽनघस्य । हंसः शरत्कालमकालबहः
क्ष्मायामिव स्मैति गुरुः स तत्र ॥ १४ ॥ स गुरुस्तत्रोन्नतद्रङ्गे, स्मैति प्राप्त इत्यन्वयः। किं कृत्वा, उन्नताद्रङ्गस्थसंघस्य उन्नतपुरीयश्राद्धवर्गस्य प्रभूतं बहुतरमाग्रहं मत्वा ज्ञात्वा, यथा हंसःक्ष्मायां इहत्यतटाकतटिनीभूमौ शरत्कालं मत्वा मानसादभ्येति, गुरुहंसश्च कीदृशः,अकालव: धवलच्छदः, गुरुपक्षेऽकालव) निर्मलपरिवारः “वहः पर्णे परीवारे कलापे च" इत्यनेकार्थ इति ॥ १४ ॥
ज्ञात्वा लाभमभ्रमभ्रतटिनीरङ्गत्तरङ्गोल्लस
कीर्तिस्फूर्तिपयःप्रवाहपटलप्रक्षालितक्ष्मातलाः। ते भट्टारककोटिकोटिमुकुटाश्चक्रुश्चतुर्मासकं
तत् तत्रैव पुरे पुरन्दरपुरप्रख्ये सुपर्वप्रिये॥१५॥
