________________
४७६
विजयप्रशस्त्याम् ।
हेतुना चिन्मयं ज्ञानमयं पञ्चविधशरीरपरित्यागात्, तथाऽद्वितीयमनुपममित्यर्थः || २११॥
इत्यभूद् वचसा सूरेः शाहिचित्तमसंशयम् । मार्तण्डमण्डल इवाऽजडिमा मधुनर्तुना ॥ २१२ ॥
इतीति प्रकाशितरीत्या, सुरेर्वचसा शाहिचित्तं असंशयं निःसंदेह, अभूज्जातमिति इव यथा, मार्तण्डमण्डलः सूर्यविम्बः, 'मधुना ऋतुना वसन्तेन, अजडिमा अजाड्यभाग्, भवतीति तथेदमपीति ।। २१२ ॥
वादिनामेव सर्वेषां वदनानि विसारिणा । सद्यः पिदधिरे सूरेः स्फूर्जन्महात्म्यवाससा ॥२१३॥
यथावस्थितपरमेश्वरस्वरूपप्रकटीकरणाच्छाहिचेतसो निःशङ्कीभवने किं जातम् ?, इह एवेति निश्वये, सर्वेषां वादिनां वदनानि मुखानि, सूरे: स्फूर्जद् जाग्रद् यन्माहात्म्यं तदेव वासो वस्त्रं तेन विसारिणा प्रसरणशीलेन, सद्यः शीघ्रं पिदधिरे च्छन्नानीति ॥ २१३ ॥
9
असत्प्रलापिभिः किं फलं लब्धमित्याहअर्हन्मतैकप्रासादपिप्पलाः कुप्रलापिनः । धिक्चक्रिरे द्विजन्मानः सर्वेऽमी शाहिनाऽमुना ॥ २१४॥
अमी द्विजन्मानेो विप्राः, अमुना प्रत्यक्षेण शाहिना, धिक्चक्रिरे धिक्कृता इति किंलक्षणा इत्याह- अर्हन्मतं जनमतं तद्रूप एकोऽद्वितीयो यः प्रासादस्तत्र विनाशहेतुत्वात् पिप्पला इव पिप्पलाः, अत एव कुप्रलापिनः ये च कुप्रलापिनस्ते धिक्कारं लभन्तएव इति जगत्मतीतोऽयं न्याय इति ।। २१४ ॥
