________________
४७२
विजयप्रशस्त्याम् ।
अथवा, इव यथा, विद्यया दलितोन्मादा वादिनोऽधोवदना भवन्तीति दृष्टान्तालङ्कारोऽपि ॥ १९६ ॥
भातो यस्येन्दुरुचिरे चामरे पार्श्वयोर्द्वयोः । आस्याऽम्भोरुहसेवायै राजहंसाविवागतौ ॥ १९७ ॥
यस्य द्वयोः पार्श्वयोरिन्दुरुचिरे चामरे भात इति, उत्प्रेक्ष्यते - आस्यं मुखमेवाम्भोरुहं कमलं तत्सेवायै राजहंसावागताविव, औज्ज्वल्येन राजहंसोपमानं, तथा हंसानां कमल सेवापि संगतैवेति ॥ १९७ ॥ धर्मोपदेशप्रस्तावे भवेद् यश्रुतुराननः । चतुर्गतिपुरद्वारो द्राक् पिधातुमिवोत्सुकः ॥ १९८ ॥
यः प्रभुः, धर्मोपदेशप्रस्तावे चतुराननश्चतुर्मुखः, भवेत्; उत्प्रेक्ष्यते चतुर्गतिरेव पुरं तस्य द्वारो द्वाराणि मुखानि द्राक शीघ्रं पिधातुं लोकानां गतिचतुष्टयीमाच्छादयितुमुत्सुक इव, यो हि भगवद्धर्मोपदेशं शृणोति स प्रायश्चतुर्गतिद्वाराणि पिधत्ते ।। १९८ ।।
सचेतनाः सन्तु दूरे यं नमस्यन्त्यसंज्ञिनः । डुमा अप्यनुभावेन महता नामिता इव ॥ १९९ ॥
सह चेतनया वर्तन्ते ये ते सचेतनाः, ते दूरे सन्तु ते तु भगवन्तं नमन्त्येव, परमसंज्ञिनो द्रुमा अपि ये अचेतनास्तर - वस्तेऽपि यं नमस्यन्ति, उत्प्रेक्ष्यते - महताऽनुभावेन भगवदतिशयेन, नामिता नम्रीकृता इति ।। १९९ ।।
यस्याग्रतो नदत्युच्चैर्दिवि दैवतदुन्दुभिः । विश्वविश्वाधिपत्यस्य प्रथिमानं वदन्निव ॥ २०० ॥ यस्याऽग्रतः पुरतः, दैवतदुन्दुभिर्देवदुन्दुभिः दिवि नभसि
