________________
४२८
विजयप्रशस्त्याम् । हक् आयतनेत्रा कामिनी, ददृशे दृष्टा, गुरुणेति गन्यम् ; मूर्तिमद् मूर्त, संपत्तेः श्रियः, निदानं कारणमिवेति ।। २९ ।। इत्यादिभिः सुखोत्कर्षजयश्रीसूचनोत्सुकैः । मुहुर्मुहुर्जायमानैः शकुनैरनुकूलितः ॥ ३०॥ कुर्वन् कुवलयोल्लासं कलावानिव सूरिराट् । क्रमेण कलयामास पत्तनं पत्तनोत्तमम् ॥ ३१ ॥
इत्यादिभिर्वर्णितस्वरूपैः शकुनैः; किं०, सुखोत्कर्षस्य जयश्रियश्च विजयलक्ष्म्या यत्सूचनं तत्रोत्सुकैस्तत्परैः शकुनैः, अनुकूलितोऽनुकूलीकृताशय इति ॥ ३० ॥ पुनः, कुवलयोल्लासं भूवलयोल्लासं उत्पलोल्लासं च, कलावानिव चन्द्र इव, मरिराद् कुर्वन् क्रमेण पत्तनोत्तमं नगरमुख्यं पत्तनं नाम नगरं, कलया. मास प्राप्त इति ॥ इति युग्मव्याख्या ॥ ३१ ॥
तत्राऽऽचार्यः सुखिश्राद्धश्रेणीश्रेणीकृतक्षणे। . . पञ्चाश्रयपार्श्वनाथप्रमुखाननमद् जिनान् ॥ ३२ ॥
तत्र पत्तने नगरे, स आचार्यः; किंलक्षणे नगरे, सुखिनः ये श्राद्धास्तपां श्रेणयः कुलानि तैः श्रेणीकृता राशीकृता क्षणा उत्सवा यत्र तत्र, श्रीपञ्चाश्रयपार्श्वनाथप्रमुखान् जिनान् , अनमद् ववन्दे ॥ ३२ ॥ पांशुभिः पदपद्मानां मौक्तिकैरिव मेदिनीम् । अलङ्कुर्वन् वादिवृन्दद्विपदर्पच्छिदोडुरः ३३ ॥ अष्टापदमिवाऽशेषभगवद्भिर्विभूषितम् । .. अर्बुदाद्रिमनूचानपश्चानन उपेयिवान् ॥ ३४ ।।
पदपद्मानां पांसुभिः मौक्तिकर्मुक्ताफलैरिव, मेदिनी महीं
