________________
दशमः सर्गः ।
श्राद्धा व्यधुः प्रत्यहमुन्नतोन्नतं सङ्गेषु वात्सल्यमतुच्छमुत्सुकाः ।
प्राज्यप्रजाप्रीतिपरैरपांभरैः
पाथोधराश्वातकपोतकेष्विव ॥ ३९ ॥
प्रत्यहं निरन्तरं, संघेषु वात्सल्यं, किं०, उन्नतोन्नतं द्रव्यतोऽपि भावतोऽपि च, श्राद्धा व्यधुः । दृष्टान्तमाह-इव यथा, पाथोधरा जलदाः, अपांभरैः जलप्राग्भारैः किं०. प्राज्या याः प्रजा लोकास्तत्मीतिकरणे तत्परैः, चातकपतकेषु बप्पीहबालकेष्विति ॥ ३९ ॥
कुर्वत्सु हृत्प्रीतिमखण्डितान्तरां धर्मेष्वमीषु प्रसभं भवत्विति ।
३६७
तत्र प्रतापः सुगुरोरभूत्तमां
धर्मस्य घस्रेषु तमोरिपोरिव ॥ ४० ॥ अखण्डितान्तरां निरन्तरां, हृत्प्रीतिं कुर्वत्सु अमीषु उक्तलक्षणेषु धर्मेषु पुण्यकृत्येषु, इति प्रसभं अहंपूर्विकया हठेनैव, भवत्सु जायमानेषु सत्सु तत्र नगरे, सुगुरोः प्रतापोऽभूत्तमाम् । दृष्टान्तो यथा - धर्मस्य ग्रीष्मस्य, घस्रेषु दिवसेषु, तमोरिपोः सूर्यस्य इवेति ॥ ४० ॥
गच्छत्खतुच्छोत्सवशालिषु प्रति
स्थानं गुरोर्द्राग् महिमा दिनेष्वभूत् । पुण्यैकपाथोनिधिवृद्धिदायिनः
पक्षस्य शुक्लस्य निशापतेरिव ॥ ४१ ॥ दिनेषु किं०, अतुच्छाः पूर्णा ये उत्सवास्तच्छालिषु,
