________________
३४६
विजयः शस्त्याम् ।
युतस्तदानीं स्थानकसप्तकस्य सद्भावात् चन्द्रपक्षेऽपि सप्तर्षिभिर्युतः इति, प्रमोदकुदिति विशेषणं सूर्यस्य चन्द्रमित्रत्वेन न्याय्यमिति "चन्द्रस्याऽर्कबुधौ मित्रे " इति ज्योतिःशास्त्रवचनात् ॥५४॥ सदस्सदुल्लासविलासकोविदैर्वचोभिराचार्यसभाशिरोमणेः ।
गुरोर्मुदं प्रापदपापदृग् नृपः प्रसेनजित्सूनुरिवान्तिमाऽर्हतः ॥ ५५ ॥
नृपः शाहिः, किं०, अपापदृक् निष्पापमतिः निष्पापनेत्रो वा. आचार्यसभाशिरोमणेः सूरिपर्षच्चूडामणेः, गुरोर्वचोभिः सदसोऽर्थाद् राजसभायाः सदुल्लासः शोभनोल्लासस्तद्विलासे कोविदैः निपुणैः, मुदं प्रापत् । कः कस्येवेत्याह- अन्तिमार्हतो महावीरस्य, वचोभिः प्रसेनजित्सूनुः श्रेणिक इव, इति दृष्टान्तोत्प्रेक्षे ।। ५५ ।।
गुरोर्गिराऽथावनिजा निरब्जिनी -
प्रियप्रमाहः फुरमानपत्रकम् ।
समस्तजीवाभयदायि तत्क्षणा
दलीलिखत् खाखिलमण्डलेष्वपि ॥ ५६ ॥ अथ गुरोगंरा अवनिजानिः शाहि, अब्जनीप्रियप्रमाहः फुरमानपत्रकं द्वादशदिवसानां फुरमानपत्रं, किं०, समस्तजीवाभयदायि सर्वजन्तुभयनिवृत्तिकारि, तत्क्षणाद् गुरुवाक्याकर्णनादनन्तरमेव, अलीलिखद् लेखयामास । केष्वित्याहस्वाखिलमण्डलेष्वऽपि निजाज्ञावर्तिषु सकलेष्वपि देशेषु, मेवढाख्यकिङ्करैः प्रतिदेशं प्रैषीच्चापिशब्दादिति गम्यम् ॥ ५६ ॥ अमूमुचद् गुप्तिगृहाच्च बन्दिनो
