________________
३३८
विजयप्रशस्त्याम् । अथैकतः संयमिलोकनायको . स्थितौ व्यभातामभितः प्रकाशको । विधेर्वशात् संगमितौ क्षमाधरौ
सुरारिजिच्छैलहिमालयाविव ॥ ३६ ॥ अथैकतो विजने सभामण्डपदेशे, संयमिलोकनायको संयमिनायकलोकनायको गुरुभूपी, स्थितौ पीठोपविष्टौ, पुनः, अभितः सर्वतः, प्रकाशको व्यभातां भातः स्मेति । इवोत्प्रेक्ष्येते-विधेवंशाद् दैववशात् , सुरारिजिच्छैलहिमालयौ संगमितो मेरुहिमाचलो, किं०, मिलितो; किं०, क्षमाधरौ एकत्र क्षमाश्रमणत्वात् क्षमा शान्तिः, अन्यत्र क्षमा पृथ्वी पृथिवीपतित्वादिति ॥३६॥ विशारदवातवृतस्य धर्मिणौ
गुरोः पुरःस्थः स्थिरदृक् स्थिरेश्वरः । अपृच्छदच्छं परमात्मनः प्रभोः
खरूपमास्तिक्यसमं सविस्तरम् ॥ ३७॥ स्थिरा पृथिवी तस्या ईश्वरः स्थिरेश्वरो राजाऽकब्बरशाहिः, किं०, स्थिरदृक् निश्चलदृष्टिः, पुनर्गुरोः पुरःस्थः, गुरोः किं०, विशारदवाततृतस्य पण्डितपटलपरिकरितस्य, पुनः, धर्मिणो यतिधर्मधारिणः, परमात्मनः प्रभोः परमेश्वरस्य, स्वरूपं अपृच्छत अच्छं निर्मलमिति, क्रियाविशेषणं वा, पुनः किं०, सविस्तरं, क्रियाविशेषणं वा; पुनः कथं आस्तिक्येन श्रद्धया तुल्यमित्यास्तिक्यसमम् ॥ ३७॥ पुरातनाचार्यवरैर्निरूपितं
न्यरूपि पूज्यैस्तदशेषमुत्तमम् ।
