________________
अष्टमः सर्गः : 1
चिन्तोद्यतौ सङ्घजनो जहर्ष ॥ स्वस्वेषु कार्येषु शुभेषु वामावामाविवात्मीयभुजौ प्रसक्तौ ॥ ३३ ॥
गुरुं च शिष्यं च द्वाविमौ गच्छाचिन्तोद्यतौ निरीक्ष्य सजनश्चतुर्विधोऽपि सङ्घलोकः, जहर्ष हृष्टः, यथा स्वस्वेषु निजनिजेषु, शुभेषु वर्येषु कार्येषु वामाऽवामौ सव्यापसव्यौ, आत्मीयभुजौ निजवाहू प्रसक्तौ परौ, दृष्ट्रा लोको हर्षवान् भवति तथेति दृष्टान्तः ॥ ३३ ॥ खगच्छचिन्तोद्भवभूरिभार
क्षमं निरीक्ष्यात्मविनेयमेनम् ।
हृदीति दध्यावथ सूरिसंसत्सिंहोऽन्यदा हीरगुरुर्गरिष्ठः ॥ ३४ ॥
३०९
एनं आत्मविनेयं, स्वगच्छचिन्तोद्भवभूरिभारक्षमं गच्छचिन्तानिर्वाहसमर्थ, निरीक्ष्य अन्यदा सुरिसंसत्सिंहः आचासभाकेसरी, हीरगुरुः श्रीहीरसूरिः, हृदि मनसि इति वक्ष्यमानं दध्यौ ध्यातवान् ॥ ३४ ॥
नेत्रे श्रतस्याब्जविलोचनानां स्यादञ्जनस्येव निजाङ्कमुक्तेः 1
लक्ष्मीरनूचानपतेरमुष्य
देशान् बहून् भूषयतो विहारैः ॥ ३५ ॥
यथा अञ्जनस्य कज्जलस्य, निजाङ्कमुक्तेः स्वास्पदमोचनात् कज्जलकुम्पकात् पृथग् भवतः, अब्जविलोचनानां स्त्रीणां, नेत्रे श्रितस्य लक्ष्मीः स्यात् तथाऽमुष्याऽनूचानपतेरस्याचार्यधुर्यस्य,
