________________
विजयप्रशस्त्याम् |
श्रीपूज्यपादैः स महोत्सवेन ॥ १० ॥
लुम्पाकपक्षक्षितिसेके लुङ्काख्यकुमतमेदिनीसेचने, मेघस्तद्वृद्धिकत्वादिति इदं विशेषणं प्रागवस्थामाश्रित्योक्तम् । तैः स्वैनिजैर्मुनिभिर्वृतः श्रीमेघजनामर्षिः महोत्सवेन शाहिश्रीअकब्बर सुलतानजलालदीमदत्तातोद्यवादनादिनोत्सवेन श्री पूज्यैः प्राथमकल्पिकत्वे नवीन शैक्षत्वे संस्थापित इति ॥ १० ॥
लुम्पाकपक्षाधिपतिः सुमेधाः स मेघजीनामऋषिर्विनीतः ।
३००
पूज्यांह्निपाथोरुहपर्युपास्ति
परायणो भृङ्ग इवाऽजनिष्ट ॥ ११ ॥
स मेघजनामऋषिः, किं०, लुम्पाकपक्षाधिपतिरपि पुनः सुमेधाः धीमान् पुनर्विनीतः सन् भृङ्ग इव भ्रमर इव पूज्यांहिपाथोरुहपर्युपास्तौ गुरुचरणकमलसेवने, परायणस्तत्परोऽजनिष्ट जातवानिति महाद्भुतं सर्वेषामिति शेषः ॥ १.१ ॥ विहृत्य तस्मात् पुरतो वृतास्तैस्तैः साधुभिः साघुघुरन्धरास्ते । हंसा इवाब्जैः सर उत्सवौषैः
पूर्ण पुरं पत्तनमाप्तवन्तः ॥ १२ ॥
तस्मात् पुरतो राजनगरात् विहृत्य तैस्तैराचार्योपाध्यायपण्डितप्रधानैः पुनर्नवदीक्षितैस्तैः साधुभिर्व्वतास्ते साधुधुरन्धरा गुरवः, क्रमेण पचनं पुरं अणहिलपाटकनामकं नगरं, किं०, पूर्ण, कैः, उत्सवौधैर्महसमूहैः, अब्जैः कमलैः पूर्ण सरस्तटाकं हंसा इव आप्तवन्तः माता इति ॥ १२ ॥
"
