________________
१९८
विजयमशस्त्याम् । स्वकर्णयोस्तेऽथ सकर्णमुख्याः ॥ ५॥ ते सकर्णमुख्याः सूरयः, एनं पूर्वोक्तमुदन्तं मेघजीनामर्षेः स्वमतमोचनखरूपनिरूपकं, पुनः, अत्यन्तनवीनं पूर्वमभूतत्वात् । स्वकर्णयोरध्वानं श्रोत्रपयं, अनैषुः नयन्ति स्म, श्रुतवन्त इति । कि०, आनन्दमयाः सन्तः, किमिवेत्याह-सुधापानं प्राप्तमिव, कि०, ऋद्धिहेतुं, उदन्तपक्षे गच्छसमृद्धिमूलं, सुधापानपक्षे शरीरारोग्यवलादिसमृद्धिमूलमिति ॥ ५॥
विहारमाचार्यवरेण युक्ताः . सुखं सृजन्तः शमिनामधीशाः। प्रोच्चैः प्रमोदं स्म नयन्ति लोकान्
कोकानिवार्का महसां निवासाः ॥६॥ आचार्यवरेण युक्ता विहारं सृजन्तः कुर्वन्तः सन्तःशमिनामधीशा गुरवः लोकान् प्रमोदं नयन्ति स्मेति । दृष्टान्तमाहकोकांश्चक्रवाकानिव यथा अर्काः सूर्याः; किं०, महसां निवासा आवासाः, गुरुपक्षे महसां उत्सवानां, अन्यत्र तेजसाम् । अथवोभयेषामपि तुल्यं विशेषणमिदम् ॥६॥ अकबरे राज्यसुहृद्वधूनां
वैधव्यदीक्षाविधिदानदक्षे । क्षोणीमलङ्कति सप्रतापे
वर्मेव वायोस्तमसां विपक्षे ॥ ७ ॥ अकबरे राशि पातिशाहिश्रीमदकब्बरसुरत्राणे, क्षोणीमलकुर्वति सति विजयमानराज्ये सति, किं०, असुहृद्वधूनां वैरिनारीणां, वैधव्यदीक्षाविधिदानं रण्डात्वव्रतरूपं तत्र दक्षे, बबईसहारणा : तत्कृतिकृतिनि, पुनः, समतापे प्रतापवति ।
