________________
विजयप्रशस्त्याम् |
पश्यन् पथि प्रचलतां परमर्द्धिसिद्धया । सव्येतरः सुकृतिनोऽस्य विनेयवृन्दचन्द्रस्य पेशलकुलो नकुलो जगाम ॥ ६ ॥
अस्य विनेयवृन्दचन्द्रस्य शिष्य समूहशशिनः, नकुलः सव्येतरो दक्षिणः जगामेत्यन्वयः । अस्य किं०, सुकृतिनः पुण्यात्मनः, कथम्, पुरस्तात् अग्रतः, किं कुर्वन्, पश्यन्, कया, स्वदृशा निजचक्षुषा, किं०, आनन्दकन्दसदृशा हर्षाङ्करतुल्यया, पुनर्दशा किं०, परमर्द्धिसिद्धया उत्कृष्टसम्पत्साधिन्या, केषां पथि प्रचलतां पुरुषाणामिति गम्यम् । नकुलः किं०, पेशलकुलः कमनीयकुटुम्बयुक् ॥ ६ ॥ सौन्दय्यमत्यधिकमात्मदृशोर्विशालस्फारत्वतारतरयोरपि दृश्यमुष्य । सव्येतराः सविधगाः प्रविलोकयन्त
२.३२
उत्तेरुरध्वनि मृगाः सुभगास्तदानीम् ॥ ७ ॥
अमुष्य शिष्यस्य, दृशि नयने, आत्मदृशोर्निजनयनयोः, किं०, विशालत्वस्फारत्वाभ्यां तारतरयोर्मनोज्ञतरयोरपि, अत्यधिकं सौन्दर्य प्रविलोकयन्त इवेत्यध्याहार्यम्, तदानीं तत्र क्षणे, सुभगाः सौभाग्यशालिनः, मृगाः; अध्वनि मार्गे, सविधगाः समीपप्राप्ताः, सव्येतरा दक्षिणाः, उत्तेरुरुत्तीर्णा इत्यर्थः ||७|| दुर्गाऽहमस्मि मुनिरेष महाव्रती च
स्थानेऽस्य सव्यसविधे मम वाक् स्थितायाः । मत्वेति किं शकुनरत्नमियं सदैव
देवी पथि प्रमुदिता विदधे तथैव ? ॥ ८ ॥
