________________
विजयत्रशस्त्याम् ।
अथेत्यन्यदा, मूर्त्तिमन्तमर्थमिव वित्तमिव तं आत्मनः सुतं जयसिंहकुमारं कीदृशं, असातमसौख्यं तद्रूपा मसिर्मणी तत्र, उदकोपमं पानीयप्रतिमं तद्व्यपोहकत्वात्; परिगृह्य समादाय, सूरतिबन्दिरं प्रति प्रमुदिता सती, सा चलितुमैच्छच्चिचलिषुर्जातेति ॥ १६ ॥
जिनवरांश्च गुरूंश्च पुरे पुरे
१९८
प्रणयतः प्रणमन्त्यथ पुण्यधीः ।
अचलदध्वनि कोडिमदेसती
त्रसहिता सहिता तनुजन्मना ॥ १७ ॥
अथेति पालीपुरस्थस्वसहजालयात् शुभे दिवसे जिनवरान् देवान् गुरून् मुनीन्, पुरे पुरे प्रणमन्ती अत एव पुण्ये धर्मे, अथवा पुण्या पवित्रा धीर्यस्याः सा, कोडिमदेसती अचलत् । कीदृशी, त्रसाश्वरजीवा उपलक्षणत्वात् स्थावराश्च तेषां हिता भावचारित्रात् पुनः, तनुजन्मना पुत्रेण जयसिंहकुमारेण सहिता ॥ १७ ॥
"
शकुनसूचितभाविमहोदया
ऽऽत्मजयुता वनिताऽऽलिमतल्लिका ।
निजमनोरथपूर्तिमनोरमा
ऽध्वनि शिवानि शिवाकृतिरन्वभूत् ॥१८॥
शकुनैः सूचितो भावी महान् उदयो यस्याः सा पुनः, आत्मजेन सुतेन युता, वनिताऽऽलिमतल्लिका स्त्रीश्रेणिश्रेष्ठा, पुनः, निजमनोरथपूर्त्या देवगुरुप्रणमनलक्षणस्वाभिलाषपूरणेन मनोरमा, पुनः, शिवा पार्वती तद्वत्, अथवा शिवा निरुपद्रवा
