________________
93. झाणणिलीणो साहू परिचागं कुणइ सव्वदोसाणं।
तम्हा दु झाणमेव हि सव्वदिचारस्स पडिकमणं॥
94. पडिकमणणामधेये सुत्ते जह वण्णिदं पडिक्कमणं।
तह णच्चा जो भावइ तस्स तदा होदि पडिक्कमणं॥
95. मोत्तूण सयलजप्पमणागयसुहमसुहवारणं किच्चा।
अप्पाणं जो झायदि पच्चक्खाणं हवे तस्स।
96. केवलणाणसहावो केवलदसणसहावसुहमइओ।
केवलसत्तिसहावो सो हं इदि चिंतए णाणी॥
97. णियभावं णवि मुच्चइ परभावं णेव गेहए के।।
जाणदि पस्सदि सव्वं सो हं इदि चिंतए णाणी॥
98. पयडिट्ठिदिअणुभागप्पदेसबंधेहिं वज्जिदो अप्पा।
सो हं इदि चिंतिज्जो तत्थेव य कुणदि थिरभाव।।
99. ममत्तिं परिवज्जामि णिम्ममत्तिमुवट्ठिदो।
आलंबणं च मे आदा अवसेसं च वोसरे॥
100. आदा खु मज्झ णाणे आदा मे दंसणे चरित्ते य। ___ आदा पच्चक्खाणे आदा मे संवरे जोगे॥
नियमसार (खण्ड-2)
(133)
